陳嘉佳（細細粒）曾由286磅激減至130磅，成功震撼網民。唯近日受訪自爆體重反彈60多磅，重回208磅圓潤身形，但她強調並非減肥失敗，只是「拉長戰線」讓身體休息。她自爆最難接受並非磅數回升，而是當日暴瘦後全身出現鬆弛的「阿婆皮」，更擔心影響未來婚姻！
40歲陳嘉佳日前接受《星島頭條》獨家訪問時，見她鎖骨消失、回復粗腰及圓碌碌身形，但卻語帶輕鬆說：「我唔想呃你，𠵱家超過咗200磅。」她承認體重已回升至208磅（94.5kg），重返近60磅。
她強調沒有挫敗感：「我唔係減肥失敗，比起最高峰時仲差好大段距離先打回原形，咁點叫失敗呢？我只係中途休息，放鬆一下再減過，將戰線再拉長重新調配formula，俾身體休息一下。」她又形容如一個發明家，發明電燈時，都會經過成功失敗。
細細粒承認翻肥只因太過自信，「休息期間」竟然停用埋蘋果醋及減肥保健品，又經常跟自己說：「食埋呢個禮拜，下個禮拜開始減過」，結果懶散後難再一鼓作氣，衍生拖延症。不過，她承諾3月返回杭州後一定會再減，目標半年內由208磅減至132磅。
細細粒從反彈中學習，她發現最重要「管住自己把口」，然後跟營養師飲食方案雙管齊下。
細細粒形容現階段好開心：「因為我鍾意食嘢，可能我肥咗面圓咗，朋友眼中我開心咗，同之前感覺不一樣。」減肥期間她靠買靚衫麻醉自己：「瘦嘅時候會狂買靚衫，喺杭州九個衣櫃全部係衫；肥嘅時候就買嘢食，𠵱家好多新衫著唔落。」對於網民指她肥嘟嘟較可愛，太瘦反而身形奇怪，她解釋說：「其實係我由細到大太肥，壓到連條背骨都歪咗變形，所以身形好怪。」她強調現在不太在意別人評頭品足，因為食得開心。
自嘲漏氣氣球
細細粒自爆減肥辛酸史，最難接受並非體重反彈，而是瘦下來後全身出現鬆弛「阿婆皮」：「減肥後全身皮鬆晒下垂，包括肚腩、大髀內側、手臂下面，連胸部都冇晒形體，係核突恐怖㗎！」她說自己望到一刻都有啲嫌棄，曾擔心「瘦咗之後搵到個老公結婚，洞房嗰晚接受唔到」。她形容自己像「漏過氣嘅氣球」，即使瘦了也穿不到泳衣。
文：方騫平 圖：譚志光
