大家若認識騎師與健美競賽者，必定佩服佢 的堅忍，忍乜？忍口是也。
騎師生涯非常刻苦，除每天三點多鐘爬起床操馬試閘外，平日飲食更必須高度節制，因體重一磅也不能增加。簡單，馬匹跑讓磅制，輕磅騎師好多馬可揀，輕磅又得，重磅都得（加鉛造磅）。但身體重的騎師，則只可騎重磅馬，失卻不少爭勝機會。
香港某位退役天王騎師乃為食之人，但又要造磅，點搞？只好每次晚飯之後，走到洗手間，鎖自己在一格之內「還原體重」。別人可能好辛苦，但佢則早練就「還原大法」，不費吹灰力。
認識另一位每年參加健美比賽的晚輩也如是，每當參加大賽前半年，就要部署。先谷肥自己，長出肌肉，然後再狂操加節食，將肌肉收到又實又硬，直至出現「壯觀」的線條，有如張繼聰的《金童》海報身段。比賽日，再塗上古銅色油，如此，一個勁道十足的健美先生就誕生了。
今日講起騎師與健美先生，因上周到順德，食 幾條靚淡水魚，哈，明明都係鯇魚，點解會正過香港街市賣的咁多呢？
於是捉住飯店老闆請教。
「哈哈，我 順德人識食，要求高，絕對不會食用魚糧谷成的普通鯇魚，一定只選擇『吊水魚』，好大分別 。」原來「吊水魚」是將普通方法養成的淡水魚，移到專用魚池，再養十天，完全不餵飼料，只飲清水及食浮游生物，以達排毒、去泥腥及收肌肉效果。「吊水魚」要做多重工夫，但更鮮美及能將蛋白質量提升，當然貴一點。
另外脆肉鯇也如是，將普通鯇魚放入特製高速漩渦魚池，逼其不停游水，不餵正常飼料，只餵蛋白粉，半個月後，肌肉自然收到脆卜卜。
