一名缺德男子日前在中環擺花街一食肆前，於大街大巷下懷疑隨處小便，並有一名女伴從後把風。女子發現東窗事發後，即伸手輕拍男子提醒，並使出「獅吼功」喝罵路人。
事後，現場牆身遺下一道誇張的下流水漬，附近傳出惡臭。網民都看不過眼，有人建議報警，有人促請受害店舖貼大字報尋人。詳情見下圖及下文：
缺德男中環食肆前隨街小便 女伴把風逐張睇↓↓↓↓
樓主：下次唔好咁做
樓主本月29日凌晨3時許在社交平台Threads以「即時」為題，上載一段極短的短片發帖，留言指「影完之後仲要好大聲XX我。真係後悔冇zoom（拉埋）近女主角（好強勁嘅獅吼功）。中環大街大巷屙尿仲要大大聲第一次見，下次唔好咁做啦」。
到當日下午1時，樓主再發一則跟進帖文，附上現場的事發後相片指「承上題，嗚，有人屙完尿又唔清潔番，射番水都好啊。報紙檔：臭臭。其實我唔係想影1秒，但係當時手機就快冇電，我影佢哋係想俾佢知道其實有人睇到，咁係唔啱㗎喂，唔好同我講話好多人都咁，成年人，就算急都唔喺人哋舖頭門口掛？！」。
相關閱讀：樓梯口小便遺大氹尿 土瓜灣四眼哥得戚邊屙邊反拍 網民注視一部位
網民：間鋪多得佢唔少
現場為中環擺花街44號地舖附近，旁邊還有一檔報紙檔。有好眼力的網民發現，「有個cam（閉路電視）喺頭頂都咁大膽」、「其實個鋪頭有cam，應該會叫事主俾返清潔費，如果唔係就仲有高清片」。
有人認為男子的做法「好核突，Ｘ間鋪多得佢唔少 」、「喺舖頭門前，好無道義」，於是有網民建議樓主「Send（傳）返去俾間舖頭，等佢哋貼大字報尋人」。有人則笑言男子似「面壁思過」，但有網民則正經地估計，男子「似飲醉咗」、「十成飲醉」，並反問「到底有幾急，需要咁做」。
樓主：個男人知衰
雖然有人企圖替事件中的女子開脫，表示「可能條女已勸佢唔好咁做，但我男人一意孤行 」，但樓主回覆時強調，「絕對唔係呀，個女下1秒已經ＸＸ我」、「反而係個男人知衰叫佢走」；樓主並感慨「大街（隨地小便）真係未見過」。
有人還給樓主教路，指「你大聲講⋯⋯做咩喺街屙尿呀⋯⋯」，樓主於是回應稱「我有啊，只係已經冇錄…，我話除咗屙尿仲咁大聲？」；樓主並自責「我真係最衰電話就快冇電，冇繼續錄」。
相關閱讀：怪大叔公屋停車場隨地小便-特登咁樣做車主嬲到震-網民有更慘痛遭遇
網民：牆身似身經百戰
有網民看過樓主的跟進帖文後，建議「俾條片俾報紙檔檔主知道」，更有人細心地留意到，報紙檔旁牆上的誇張下流水漬，指出「睇個牆身都好似身經百戰」。
有網民也分享自己曾目擊隨地小便的惡行：
•停車場總有一個位特別臭；
•土瓜灣都勁多男人隨地便溺，喺公園中間、日光日白行人路向住棵樹；
•中環夜晚都係飲大咗，急起上來好多係咁，在街、巷屙尿，嘈交、打交，常見；
•早兩日喺元朗咪錶位，11點零都見到有個男人喺人哋部車後邊屙尿，但我想講隔籬就已經有廁所／巷仔。
根據《公眾潔淨及防止妨擾規例》，任何人士在公眾地方大、小便均屬違法，初犯最高可被罰款5000元，再犯則更可被罰款1萬元。另外，此行為也可能觸犯《簡易程序治罪條例》中妨擾罪，經定罪可處$2000元罰款或監禁3個月。
資料來源：coachstrawberry＠Threads
相關閱讀：北角金毛叔活捉小便男海旁爆驅逐戰 斯斯文文隨街屙 6字解釋缺德惡行：竟稱1事做多了↓↓↓↓
網上熱傳影片，有衣著斯文男子在北角東岸板道海濱公園，趁夜晚隨地小便，未料遭一名金毛大叔撞破，於北角海旁上演驅逐戰，斯文小便男邊拉褲鏈邊狼狽逃跑，期間大聲拋下6字解釋隨街屙尿的缺德行為，引起熱議。這場別開生面的小便男驅逐戰，於本月20日晚發生，過程如下↓↓↓↓
