一名戴口罩的大叔早前在港鐵灣仔站月台懷疑隨地吐痰，被一名正義的女乘客當面直斥其非，其中5個字說得擲地有聲。不過，事發時身旁一名後生仔卻有兩極反應，唔幫口仲要咁樣做……詳情見下圖及下文：
口罩大叔港鐵站月台隨地吐痰 港女5個字直斥其非逐張睇↓↓↓↓
相關閱讀：「吐痰大叔」海濱處處吐 街坊好心提醒：荃灣朋友仔唔好貼欄杆
樓主：我即刻叫住佢
樓主早前在社交平台Threads以「香港地鐵」為題上載相片發帖，講述當時的情況，指「啱啱喺灣仔地鐵站，我等緊地鐵上車，呢個男人喺我後面經過，隨地吐痰，我即刻叫住佢：『阿叔，你做乜隨地吐痰？咁核突嘅你？呢度公眾地方嚟㗎！』由於喺地鐵講粗口係犯法，所以我冇半句粗口」。
樓主續稱「企喺我隔離等車嘅後生仔，即刻閃開，我另一邊帶口音嘅中年女人，反而同我講：『你好叻呀， 頭先個男仔就就咁走咗唔理』」。樓主認為「條友自己上車之前識得戴口罩，即係只會保護自己，自己隨地吐痰就冇所謂」。
根據樓主所指，事發於灣仔站；而相片則拍攝於北角站埋站，列車車門開啟中。男子帶有大量隨身物品，除了胸前孭著的大背囊外，還有兩個載有物品的紅色背心膠袋。
相關閱讀：港珠澳橋職員舌戰吐痰大媽 超絶一句話KO大媽 令紙巾擦乾淨
網民給100個讚
回應的網民均大讚樓主的見義勇為，慷慨地表示「給版主的讚x100.」、「俾個讚你👍❤️，呢種人自己戴口罩怕傳染到病菌,但自己就是始作俑者」、「俾個like你！ 遇到咁嘅情況好多人都唔會夠膽出聲」、「你好叻呀！明知佢咁做唔啱，我都唔敢出聲。我怕佢打我，雖然他事後坐監，但我先吃一拳，我吃虧」。
對於有人自己戴口罩，卻在站內隨地吐痰，網民先是大力指摘一番，稱示「隨地吐痰乞人憎」、「好多Ｘ街都係乾淨自己汚糟人哋」、「其實香港好多人都好不知所謂完全自私唔講衛生！」、「即係好似好多人鍾意打開口罩，仲要係唔掩口打噴嚏一樣咁Ｘ街」。還有人自爆對付他人隨地吐痰的絕招，表示「我會叫佢抹返佢！唔係就叫職員」。
對於樓主提到身旁後生仔的快閃反應，網民也無奈地指「不論男女大部分人食花生唔會幫」、「你做得好啱 ，就係好多人見到都唔會理，就被呢班破壞香港嘅清潔市容令人覺得香港太污穢」。
根據《香港鐵路附例》第24條，任何人不得在鐵路處所的任何部分吐痰，違例者被罰款5000元。另外，《香港鐵路附例》第28H.，(1)任何人於鐵路處所之上，不論何時─不得使用任何威脅性、粗穢、淫褻或使人反感的言語，或鬧事、行為不檢、行為不雅或作出使人反感的行為，違例者也可被罰款5000元。
資料來源：ngansze＠Threads
相關閱讀：的士司機脫鞋「棟高腳」揸車 乘客：20分鐘車至少向外吐痰10次 落車仲夠膽咁做 網民：可報警↓↓↓↓
有網民搭的士遇到噁心司機，不但沒有展示司機證，全程更脫鞋「棟高左腳」揸車，20分鐘車至少向外吐痰10次，落車時更做一行為，令網民認為事主可以考慮報警。樓主在社交平台Threads發帖，公開現場拍到該司機的噁心行為↓↓↓↓
