日本近月熊患持續惡化，黑熊不再局限於深山活動，頻頻現身市郊、居民區，甚至城市中心，除岩手和秋田縣屬高危地區，北海道亦有兩人遇害，外遊須留神。名古屋著名景點白川鄉亦因有熊蹤而取消紅葉亮燈兩周。熊出沒有否影響港人遊日信心？《星島頭條》記者今日（29日）到旺角一帶旅行社，報團遊日市民均表示不太擔心，認為熊主要出沒在偏遠郊區；有人甚至不介意見到熊，笑言「平時無乜機會，見到野生嘅熊仲開心啦」，相信自駕遊只要人在車內，風險有限。
日本熊出沒︱港人夫婦夜晚留旅館浸溫泉避險
已訂機票、計劃明年1月到福岡自駕遊的黃生黃太指，擔心「啲熊因為無嘢食走出嚟」，故晚上會留在旅館浸溫泉，不會「周圍去」。他們表示，有親友留意到相關新聞後呼籲他們暫時別去日本，但認為只要保持警惕，晚上不要胡亂外出便不太擔心。
市民：「港人善忘」難動搖遊日習慣
今年已去日本3次的關先生和張小姐表示會留意情況，但關先生認為「有機會都想見吓啲熊」，指步行較危險，若自駕遊在車內則相對安全，即使不幸遇襲也只是車輛，笑言「平時動物園見得多，野生未見過嘛，見到仲開心呀！」
問及有否擔心熊患而不去日本，黃氏姊妹直言「無諗過唔去」，相信市區影響不算嚴重。她們又認為港人遊日習慣難被動搖，舉例早前有地震傳言，「香港人善忘，好快就唔記得。」
業界：暫未見影響港人報團意欲
東瀛遊主席禤國全向《星島頭條》表示，熊患暫未影響港人報團意欲，指以往的確較少出現嚴重熊患，認為今次受襲事件嚴重與氣候變化有關，但相信「要去嘅團友都唔會驚咁多」。他又稱一般景點都在市區，而熊出沒事件主要集中在山區，即使團友居住溫泉旅館，都有領隊照應，若該地區有熊出沒機會，會建議團友晚上不要離開旅館範圍。
早前日本大地震傳言影響生意，禤國全認為熊患相比之下影響較少，坦言「當地人都係照常生活啦」。
記者、攝影：陳俊豪
相關新聞：
