兩名少女自拍整蠱一名「瞓覺」的商場保安，惡作劇的影片在網上流傳後惹來網民非議，指「呢d人到底咩心態……要玩都吾應該玩呢d野囉」，兩名少女其後出帖道歉，並表示會親身向該保安致歉。
商場保安「瞓覺」遭兩少女整蠱 1舉動惹網民非議：咩心態↓↓↓↓
兩名少女自拍影片可見，她們在一個商場發現了一名正坐在單人沙發上睡覺的保安員，兩人先玩「猜包剪揼」，輸了一方「去同瞓着咗嘅看更影相」。
最後一名少女輸了，她提著手機自拍走到看更前面，舉Ｖ字手勢自拍，不過另一名少女指該少女「隔九丈遠」自拍，要她再影多次。
少女只好再走近睡著的保安員，與他自拍，這時另一名少女突大力拍鐵閘，將睡著的保安嚇醒，走近自拍的少女即時走開，另一名少女則看得哈哈大笑，她在影片字幕寫道：「為咗懲罰佢（指與保安自拍的少女），我決定大力拍落道閘叫醒個看更。」
網民：心地唔好，人哋都有老豆老母
網民熱議有關影片，紛紛指責少女的行為：「呢d人到底咩心態，拍個鐵閘嚇到個阿伯，然後仲笑到咁開心，鋪出嚟以為自己好搞笑？要玩都唔應該玩呢d嘢囉。」
「心地唔好，人哋都有老豆老母，好心啦你見到自己屋企人咁畀人玩，有咩感覺？」有人指兩人「無家教」。
兩少女其後發帖道歉表示：「喺呢度想為我同朋友幼稚及衝動嘅行為道歉，我哋當時冇諗後果，因為貪玩去做啲有機會發生危險嘅事，我哋承諾之後會注意好一言一行，並會喺颱風後去返現場搵看更叔叔道歉。」
同場加映：公屋女保安「揈毛巾」大戰瘋狂外賣員 激戰後外賣仔舉Ｖ自拍：你真係唔好彩遇著我！↓↓↓↓
