有「鼻屎怪」在港鐵出沒。一名男乘客在車廂內沉浸式撩鼻屎後，把所出之物在眾目睽睽下肆無忌憚地揩落身旁的扶手上。如此嘔心惡行，嚇得網民面青之餘，原來有人認出此男乃懷疑慣犯，聲稱曾目擊他做出另一核突舉動。詳情見下圖及下文：
「鼻屎怪」港鐵出沒 男乘客撩鼻屎後揩落扶手 網民認出慣犯曾做另一核突舉動逐張睇↓↓↓↓
樓主：佢已經抹咗好多次
樓主本月17日在社交平台Threads以「MTR」為題上載短片發帖，留言指「平時最鍾意挨落啲柱度…GG（完蛋了）佢已經抹咗好多次，好核突…」。
片中的男乘客坐於車廂內最受歡迎的邊旁座位，當時正伸出手指埋首撩鼻屎，「採礦」成功後，將所得之物在指尖上把玩，又搓又捽一輪後，竟把鼻屎揩在身旁黃色的扶手上。
相關閱讀：港鐵女乘客慘中「指甲彈」一身都係 剪指甲大媽竟然咁樣解圍 網民嘔心揭更地獄經驗
網民：盡量唔會掂扶手
網民對這嘔心場面感到極度震撼，揚言「真係好核突啊」、「本身挨緊，嚇到我即刻企返直個人」。有人精明地表示「所以，要養成掂完扶手就搓手（消毒）嘅習慣」、「所以我搭車盡量都唔會掂啲扶手」，並「希望柱男柱女都睇到」。
網民：我都撞過佢
有人則發出靈魂拷問「其實有陣時我好唔明白點解啲人咁鍾意搭車撩鼻屎？點解會覺得呢啲係適合公眾度進行⋯仲要啲平時好輕鬆咁樣彈走唔會影響人咁樣個喎」。
另有網民認出此乃懷疑慣犯，聲稱「笑死，啱啱喺深水埗地鐵站見到佢」、「我都撞過佢，喺正我隔離抹啲口水落條柱到」。
資料來源：ying_ncy＠Threads
相關閱讀：惡男搭巴士剪指甲 囂張反駁指責 妻護夫心切：放上網好呀我都想Ｘ↓↓↓↓
今年2月，有正義港女乘搭巴士時，挺身指責在上層剪手指甲的中年漢無公德心，結果遭對方無賴反駁「關你咩事，我係鍾意喺巴士度剪指甲，點呀！……你吹得我脹呀！」；其妻子更加護夫心切加入罵戰，毋懼公審地揚言「放上網好呀我都想紅呀」↓↓↓↓
