譚輝智自爆鋪定退路唔怕被消失 揭開「富二代」光環下真實壓力丨獨家

《中年好聲音2》亞軍譚輝智推出第二首單曲《熱身要在冧低前》，以輕快旋律包裝沉重壓力議題，成為《中聲》創下19日破百萬點擊紀錄的男歌手。頂著「富二代」光環的他坦言標籬下隱藏著不為人知的壓力，直言：「入行後反而更快樂，但，早已準備好隨時消失。」採訪：方騫平 攝影：林賓尼 場地：華嫂冰室

入行只係兩年的譚輝智，發展真係唔差。

輝智唔作狀，真誠待人最得人歡心。

 

譚輝智出道僅兩年卻有唔少商演。

 

輝智成為逆市奇葩。

 

譚輝智以素人身份走進娛樂圈。

 

輝智圈中發展算一帆風順。

 

輝智否認是「富二代」。

 

作為中佬有隱藏著不為人知的壓力。

 

輝智要為生活努力打拼。

 

出道近兩年的譚輝智好受歡迎，新歌《熱身要在冧低前》MV可謂玩味十足，創作意念源於唱片部同事向輝智遞上一幅日本上班族放工醉酒攤倒地上的照片，從中亦反映出日本人生活中亦頗具壓力。

新歌《熱身要在冧低前》MV拍到瞓晒地。

現今社會人人都有壓力。

41歲譚輝智都有中年危機。

新歌《熱身要在冧低前》MV玩味十足 。

輝智為養家要努力工作。

創作意念源於唱片部同事向輝智遞上一幅日本上班族放工醉酒攤倒地上的照片。

從中亦反映出日本人生活中亦頗具壓力。

短短兩個月，第二首單曲在網上收看次數高達130萬。

去年尾推出首支新歌《多麼感激》。

已被標籤難獲認同

有地產商爸爸譚握籌在背後，譚輝智常被認定為「有錢仔」、「贏在起跑線」，他卻自爆其實壓力更大：「由細聽人講，啲人認定你唔使做。如果做出啲成績，就被指有錢靠屋企，靠人事關係，唔係自己嘅努力。」譚輝智面對「富二代」標籤，首度敞開心扉。他苦笑說：「最搞笑我話我冇(錢)㗎，佢哋竟然讚我夠卑厚，家教好！相而啲人冇錢嘅，就充自己有錢！」他揭開「富二代」真實生活：「爸爸一直堅持兒子要自給自足，我要搵才有得食，屋企最多只係提供住所。唔通咁大個人攤大手板問老竇拎生活費咩？細路啲書簿費都要負擔啦。如果真係咁有，我就唔唱歌、拍劇啦，做幕前點都有人攻擊，我又唔係咁高調嘅人，與其要承受壓力，倒不如留喺屋企湊下仔好過。」

年前馬主爸爸譚握籌第一次拉頭馬，譚輝智都在場(左一)。

譚輝智父子齊入馬場。

譚輝智唔靠屋企，要自己賺錢養妻活兒。

譚太成日笑好有正能量。

譚生和譚太係最佳拍檔。

輝智於2018年結婚，輝智富爸媽安樂晒。

譚輝智在IG晒出與女兒的合照。

譚輝智於2018年結婚，並育有兩個小朋友。

譚輝智的一對仔女會在家中睇爸爸演出。

Enjoy批評碧咸都有Haters

對於網路上對他的外貌攻擊，他笑住展現驚人豁達：「我唔會Hurt喎！咁易受傷害就唔好做，更何況從來冇行出嚟話過自己靚仔，我又冇擺款參加《中聲》比賽係靠把聲。」更語出驚人：「我開始Enjoy人哋批評我，我睇返有新意嘅評論反而會笑。一面倒讚美唔係好事啫，一半踩一半讚就OK，如果一面倒讚美就驚喇，因為嗰啲好快玩完。」他強調冇完美的人：「個個都會要有Haters㗎啦，連碧咸都畀人話啦！入得呢行就要有心理準備。」

參加《中聲2》改變了輝智人生。

擁有更加美好人生。

月初跟黃劍文、周吉佩、谷婭溦、羅啟豪聯合演出《四王一后 五聲激鬥演唱會》。

奪獎後不久譚輝智便舉行處男《Fight For You演唱會》。

20幾歲時絕秘生活照，當時譚輝智欠缺自信。

增廣見聞改變人生

出道兩年來接盡商演廣告，他卻謙稱：「錢銀方面仲要努力中，未算係搵到。」然而此刻的他卻比從前快樂：「以前覺得人到中年，作為爸爸事業上仲未達標。𠵱家見嘅人多咗，成個人唔同晒，做乜都享受。」他承認自己仲有好多諗法未能實行，有都想挑戰音樂及舞台劇。

輝智嘅廣告源源王絕。

以代言身份帶隊去旅行。

輝智和關嘉敏撞樣。

拍劇成功入屋。

剛踏入41歲的他許下樸實願望：「只求大家身體健康。」對於未來，他坦言要面對中年事業危機，卻保持清醒度：「我知自己咩位置，都41歲人圈中發展經已去到最盡，唔會上到四大天王位置。」更直言早已鋪好退路：「熱度隨時會冇，要鋪定後路，始終有妻兒要養家，冇人搵你做嘢時就要功成身退，年紀問題冇條件再留戀，硬要𢱑撈咪最多一次半次，唔係你就唔係你，適合嘅話都搵咗你㗎啦。好彩𠵱家發展都OK，就繼續盡力做啦！」最溫暖的是家人的支持：「爸爸見我發展好開心，父子間會多咗話題；大女好好笑，有時見我食食下飯去開工，問我『可唔可以唔唱歌？』」

剛踏入41歲生日的輝智在東莞和FC(fans)慶生。

41歲生日快樂。

拉姑夫婦都係輝智鐵粉。