曾智華
周日賽馬第九場跑完，手機彈出N個WhatsApp訊息，全部一邊「恭喜」，一邊「潤」小弟，點解？因開季貼士一擊即中，不過，哈哈！本來我已極度謙虛，估計「燈\u80c6將軍」勝出應夠食地\u8e0e店兩\u9938飯，因隔夜賠率有三倍幾。
結果，輕風送爽彈離贏，但一睇，哎\u5414，完來W派18.5元，咁就連齋包都唔夠錢買，得啖笑。
講返當日賽馬，有極多啟示，大家應存記。
首先是黎昭昇必定反彈，以吸引更多馬加盟，贏得的肯定去盡。但「不幸」是為確保不失，多又會配潘頓，分少幾十蚊，冇癮。
第二是「軟硬鞭」繼續上演無敵是最寂寞。既然無敵，當然佢玩晒，大熱馬去又得，唔去……你吹乒乓？但這正是現今香港馬壇現實，唔順氣？次次佢大熱就飛起囉，改買位置Q都會好好分\u35ce。
第三，喜見何澤堯「返\u569f」\u561e，只跑兩隻，一W一Q，全面交代，走位智慧仍相當高。
第四，華人騎師繼續成長，尤其梁家俊，當日若非「但求開心」未能造磅臨時易配，兩W兩Q絕對冇走雞。凡佢坐騎，留意！另外，告仔兩徒弟蔡明紹及鍾易禮亦交晒貨，可喜。
第五，騎師也似有點「東升西降」。當幾個華將逐漸成熟之際，外籍大師傅潘大衛、金誠剛、董明朗、奧爾民……等，仍相對失色，與上季情況相若。因為騎功？因冇好馬？
今晚有得玩快活谷喇。A跑道，偏差不大，我特別留意「二哥」布文會否起筷。騎六隻，頭場「花好月盈」報名時用董明朗，事實，晨操試閘由佢W出，點知到真正排位，練馬師韋達決定換上一級高手「哈囉文」，頗有完全唔輸得的格局。排好檔，加上是轉倉馬，鬥志絕對不會有問題，今日就貼佢啦。
