有網民在深水灣燒烤場遇到離譜一幕，有懷疑港女偕同一名外籍男子，竟然霸燒烤爐燒街衣，惹來網民嘩然直斥行為缺德，衣紙灰四圍飄，或令場內燒烤人士「食晒」。
目擊者拍下這對奇葩男女燒衣過程（見下列圖輯），更目睹他們最後在爐內遺下一物，網民詫異：「下一手點用？」「冇人敢跟住用。」
疑港女偕外籍男燒烤場霸爐燒街衣 缺德過程曝光爐內驚遺1物 網民：下一手點用？↓↓↓↓
有網民在社交平台發片發帖表示，上周六（6日）在深水灣燒烤場「……燒燒下嘢食，無啦啦有人喺度燒……」，樓主發布三段影片，紀錄這對男女竟然利用場內燒烤爐燒街衣。
影片可見，這對男女，男的為一名外籍男子，打扮獨特，箍起頭髮，留著一撮羊咩鬚。樓主又指，女子為華人可能是港人：「女嘅好似係香港定唔知大陸人嚟㗎。」
當時現場有不少人在燒烤，這對男女懶理周圍人士目光，大搖大擺地在燒烤爐生火燒衣及紅蠟燭，期間女子更一度對著爐火起舞，影片見到這對男女專注將衣紙拋入爐內，他們身旁有燒烤人士不時投以注目禮。
至尾聲，燒烤爐火熄滅後，影片見到這對男女在爐內插了兩枝大香，並點燃爐內蠟燭，樓主說：「佢走嘅時候，熄晒所有嘢，但係係兩支大香仲係插喺度，同埋漏咗一包嘢唔知咩嚟嘅。」
網民：人鬼同食
帖文引發熱議，網民紛紛批評這對男女缺德：「啲灰飄到四圍都係，佢旁邊啲人全部都係食呢啲衣紙灰，加料。」「人哋吃嘢地方燒呢D，毒死人咩。」「癲Ｘ咗呀？人哋燒嘢食你係度開壇？」
網民又指該燒烤爐變相被廢：「係冇人敢跟住用呢個爐就真，大佬人哋用個爐嚟BBQ……佢哋就用個爐嚟燒街衣，你話佢哋係咪精神分裂？」「痴線，燒烤爐嚟架，當化寶爐，下手叫人點燒？」「個個都驚咗佢，下一手真係多謝佢。」
網民批評「好離譜」「人鬼同食」，認為樓主應該報警，但樓主坦言「我唔敢」因為驚這對男女發惡。
來源：xx_.yk_.xx＠Threads
同場加映：外籍漢港鐵撩交打：「I finish you now！」港大叔「這表情」制敵惹熱議↓↓↓↓
