黃庭桄 坎坷過後有艇搭
騙案，真的是多一宗都嫌多。明明一個人用了畢生青春去賺取的血汗錢，卻因為愚昧而被騙了身家，是多麼的可悲。
不過，有時聽到朋友分享遇到騙徒的遭遇，卻會教我啼笑皆非，笑到捧腹。就像88歲的資深藝人余慕蓮，別看她老態龍鍾，頭腦其實依然相當精靈。
「我有睇《東張西望》\u35ce！好多阿婆都畀人呃錢，我睇完之後梗係學精啦！我仲要留返\u5572錢去打標靶藥\u35ce，每次都要使兩萬幾蚊，點可以畀人呃錢呢？」
余慕蓮說，平日都會收到不同的推銷電話，有叫她上大灣區買樓，亦有游說她低息貸款去交稅，當然也會收到一些關於美容或減肥療程的推廣優惠電話。
「我只要見到電話係3字頭，就唔會接，佢連我姓乜都講唔出，就掛住推銷我幫襯呢樣幫襯\u55f0樣啦！」
最近她收到一個9字頭的陌生來電，不虞有詐之下，接聽了。當她「喂」了之後，對方即劈頭一句大嗌：「阿媽！」「你搵邊位呀？」余慕蓮追問。
「媽，我係你個仔呀！」對方這樣說，余慕蓮便知道肯定是騙徒，只因她多年來始終雲英未嫁，又何來有個仔呢？
余慕蓮見悶悶\u54cb，便跟騙徒講多兩句，「我有好多個仔喎！你係排第幾呀？咁你叫乜\u5622名呢？」
騙徒被問到口啞啞，未及講出準備呃錢的對白，便無癮地收線。
騙徒啊騙徒！何必做陰騭事去呃人錢呢？你對得住你阿媽嗎？有面目見阿爸嗎？半夜不會發噩夢嗎？
