將軍澳發生家居怪事，一部洗衣機離奇走佬。有住戶的洗衣機昨日（27日）在洗衫期間移位，剛好頂著廚房門無法開啟，戶主在徬徨下請五金鋪師傅上門，對方使用了一慳錢方法即輕易把問題解決。網民連隨感謝分享，指「學識多一樣嘢」。詳情見下圖及下文：
將軍澳洗衣機離奇走佬 洗衫期間移位頂實廚房門逐張睇↓↓↓↓
樓主呻：而家廚房門開唔到
樓主昨日（27日）早上在facebook群組「將軍澳主場」上載兩張相片向網民求助「今朝洗衫，洗衣機震動移位將門頂住，而家廚房門開唔到，有街坊試過咁樣情況嗎，點解決？」。
相片隔著廚房玻璃門拍攝，見到洗衣機打斜褪出，剛好頂著了廚房門；另一張相見到，廚房門只能窄窄的開啟。
網民熱心提供意見
樓主估計事件與洗衣機運作時的「離心力太強」有關，有回應的網民熱心提供意見，與樓主商量。網民甲指「睇相應該可以大力少少推開佢」，樓主回覆「側邊係鋅盤位無位移動」。於是有人建議——
•用枝鉄筆撬洗衣機腳埋去；
•搵師傅爆玻璃啦，同埋改做趟門啦；
•拿條鐵或木條伸入去撬部洗衣機入去；
•伸手入去慢慢推返洗衣機埋牆得唔得；
•有無鐵通之類？伸入去，拗返部機埋牆；
•試吓搵支鐵筆喺個門罅撐返部洗衣機入去原位；
•伸手入去開咗部機佢，等佢跳動嘅時候捧住佢推返埋去；
•試下喺門罅搵嘢攝入去再開多次洗衣機，睇下震唔震得返原位。
不過樓主稱「屋企又無呢啲工具，仲諗緊」。網民乙則慶幸「好彩無煲緊水，開緊火」，樓主也指「而家諗返真係好彩」。
樓主：搵咗師傅兩下搞掂
有人形容情況「都幾難搞，看似要爆門」；網民丙獻計：「如果隻手伸到入去嘅相信只可以慢慢左右搖將佢搖返入去」，樓主接著透露「手得兩個手指位，最後搵咗師傅搞掂」。
樓主續指「搵咗師傅兩下搞掂，多謝大家嘅意見」。網民於是好奇心大發，查問「搵咩師傅搞掂？點搞？」、「請問師父最後如何解決？」。樓主回應時稱「尚德街市五金舖師傅」、「佢用工具長鐵條樣，伸入去底撬幾下，洗衣機就撬咗入去」。
網民查問師傅收幾錢
知道事成後，有網民道謝，表示「用呢種方法伸入去機底撬幾下就搞掂，我們真係識條鐵咩。不過就學識多一樣嘢，謝謝分享」。另有人進一步詢問「收了幾多嚿？」、「我淨係想八下佢收你幾錢」，樓主大方回應「原本如果要爆玻璃收$1500， 最後用工具可以搞掂收$400」。
有人笑言「好彩有道門頂住咋，唔係震到出廳」；另有人建議「開門先洗衫就無事」。有人則分享同類情況，指「我部都係有時會走佬（尤其是洗床單），每次fling（揈）衫時我都要吼住佢」。
資料來源：Elaine Yang＠facebook
相關閱讀：驚見港女拆公屋廚房門放售 大貪索價$ＸＸＸＸ (附公屋還原價目)↓↓↓↓
有港女將公屋廚房門拆去，放上網出售，更開天殺價，標價4位數逾千元，引發網民熱議。房署規定，公屋廚房門不允許改動及拆走，否則已屬違反公屋租約條款。從該位港女要求買家到黃大仙自取，估計她居住在黃大仙的公屋屋苑。
該港女2023年時透過社交平台發帖開價，帖文如下↓↓↓↓
