27歲TVB「上位小花」陳懿德備受TVB力捧，不僅任台慶頒獎典禮唯一司儀，更勇奪「最佳女新人」，近期再下一城，首度挑大樑主持歌唱大賽《聲秀》。事業蒸蒸日上之際，她的感情生活亦成為焦點，雖然德德唔認愛「女神收割機」羅天宇，但卻出口維護，並以朋友身份為他辯護：「朋友角度睇佢唔花心㗎！」女神還為他「加持」，叮囑大家要多留意他善良的一面。採訪：方騫平 攝影：譚志光 場地：NOI by Paulo Airaudo
懿德在社交平台罕有吐露心聲，直言獨自主持選秀節目「壓力山大」，希望觀眾多多包容。作為「女新人」，陳懿德坦言暫未算得認同：「因為我經驗未夠，個獎只係代表我有機會做到最佳位置，𠵱家未去到最佳位置。未來我希望做到更加好，令到自己更加值得擁有呢個獎。」
德德的謙卑，源於她做過劉德華、劉青雲、郭富城等天王巨星訪問的感悟，尤其被郭富城的自律深深震撼：「城城同我透露過，佢每朝點就起身，中間會做運動及排舞，直至凌晨才能休息，嚴控飲食。」陳懿德直言從他們身上看到自己的渺小：「見到城城就算係天王咁成功，但喺今時今日依然都咁努力咁鞭策自己喎，我陳懿德係喺底嗰層，憑乜可以放慢腳步呀？應該要更加用心啲。」她形容每做一個專訪似睇緊一本書，成為最佳借鏡：「去年專訪到劉德華，覺得佢好親切，令我做訪問好舒服，冇壓力。」另外，她最深印象，第一次做主持時，在公司節目巡禮跟林盛斌(BOB)相遇，阿BOB見到她正在努力背稿便上前對鼓勵她說：「阿德，你要同自己講I AM THE BEST，我一定會做到最好㗎，全場都會鍾意我。」阿BOB的技術性提點變成德德自信心來源。德德自爆心目中有個「自肥計劃」：「希望做到一個屬於自己嘅節目，請嘉賓如林峯、郭富城、陳慧琳、容祖兒等上嚟CHIL住講生活。」她明白挑戰性高，「其實做呢啲唔容易，但都想試下，做到一個屬於自己嘅節目都會有得提升，做得唔好話咪下次做好啲囉。」
叮囑要着重本質
談及備受關注的緋聞，對於早前《東周刊》影到陳懿德帶同媽咪與羅天宇共晉晚餐，戀情似乎浮上水面，對此，陳懿德顯得更為謹慎，強調兩人相處模式自然。「正常一班朋友食完飯夾返錢。」還補充：「我哋冇乜兩個人一齊時間…」德德低調處理感情生活有原因：「任何一個藝人都想聚焦喺自己工作上多啲，尤其我資歷尚淺。」她更戥好朋友於羅天宇被標籤為「花心」、「女神收割機」等不值，為他辯護說：「喺朋友角度睇佢唔花心㗎。」她更懇切地呼籲大家：「其實唔止係佢，就算係每一個人，應該由同佢認識嘅經歷過程，去了解佢係點樣嘅人，唔好聽人講。」她覺得羅天宇其實很「慘」，因為其努力成果被緋聞掩蓋。「大家講佢緋聞多過佢嘅工作！上年佢有5套劇出《巾幗梟雄之懸崖》、《再見·枕邊人》、《婚後事》都有noise，話佢同以前有唔同，做得幾好嘛，呢啲Focus會比較好。」雖然承認緋聞報道較「Juicy」，但認為大家應更關注他的專業表現。當被問到是否覺得成為「收割對象」之一很榮幸時，她忍不住笑言：「我唔知呀，哈！我哋係好朋友，又冇話收唔收割嘅，但佢係一個幾好性格嘅朋友。」
對擇偶唔揀花心男
至於擇偶條件，陳懿德表示善良、上進、孝順是關鍵，並直接回應：「個個都唔會揀個花心男友。」被追問羅天宇是否符合時？她強調交友看重本質：「認同反感就做唔到朋友嘅，我身邊朋友應該都係有呢啲善良特質先做到朋友嘅。」
