電影《鬼滅之刃無限城篇》在港上映破開畫紀錄，票房已破3000萬，有元朗網民昨日（18日）公開有疑犯在本港戲院偷拍《鬼滅》的影片，罕有曝光犯案手法，盜錄者1舉動震驚網民，目擊者更指現場舉報後，疑犯竟被職員「放生」。
涉事連鎖戲院位於元朗YOHO商場內，《星島頭條》正就事件向有關戲院查詢。
元朗男連鎖戲院盜錄《鬼滅》竟獲職員放生 偷拍過程極罕曝光 1舉動震驚網民：擺明唔care畀人知↓↓↓↓
《鬼滅之刃無限城篇》已創下本港史上日本電影最高開畫票房紀錄，不少戲院人山人海，有網民在社交平台發帖指昨日（18日）在元朗YOHO一大型連鎖戲院，觀看《鬼滅》發現盜錄者，該場次為下午4時55分場。
樓主表示，當時「全套戲我不停聽到，好似call機聲」，他正打算「完場鬧佢一鑊」，誰料發現該發出「call機聲」人士正在盜錄。
樓主拍下現場情況，一名戴鴨舌帽男子手持一部迷你運動相機，正肆無忌憚地拍攝電影，其身旁均有其他觀眾，但未有人留意。
網民稱近日屢遇盜錄者
樓主在帖文中表示：「成個電影業俾你搞彎哂，最嬲係有人檢舉咗佢，職員淨係叫佢del片，事後其實佢啲片喺哂佢手機。」他對於職員竟然沒有報警而放生該名盜錄者感到憤怒：「猗窩座（《鬼滅》角色）嗰幕明明好感人，就係佢突然喺到『登登』聲！成個氣氛彎哂！我好嬲！」
帖文引發熱議，有熟悉拍攝器材的網民指出，該運動相機之所以發出「call機聲」，是因為該盜錄者「唔熄前mon，唔較靜音」，該網民驚訝地指出：「（該盜錄者）擺明就唔care畀其他人知。」
部分網民又表示，近日亦在戲院中遇到盜錄者，「果日我都見到個係柴灣偷拍，掟咗（佢）5-6次爆谷，（佢）郁都唔郁繼續偷拍cls」，「尋日（同一戲院）10:00場又係有條柒頭，一開場就狂影+狂錄。」
他們均異口同聲表示，職員發現後只要求有關人士刪片了事，並無報警。
有網民甚至懷疑有職員與盜錄者合謀：「聽戲院做嘅fd 講，無事嘅多數係因為偷拍果個同職員係同伙，如果唔係都唔會咁夠膽完全唔遮部機偷拍……」不過有關網民未有提供任何證據證實有關指控。
支持香港電業市道 樓主：已向海關舉報
樓主其後表示，已就事件正式向海關投訴，「因為真係不斷有聲，我本身都一路有忍，我一直以為佢真係純粹call 機/電話，小小聲……點知臨尾再望佢，佢竟然係偷拍！真係痴線，第一次見到！」
不少網民亦留言hashtag涉事戲院，要求解釋放生盜錄者的做法。有網民建議樓主若遇到類似情況，可即場報警：「其實香港電影市道已經差，我哋入場觀看除咗支持套動畫之外，都唔想香港執晒戲院。」
任何人士嚴禁在戲院內拍攝及錄影，否則會被刑事檢控，最高可被罰款5萬元及監禁3個月。
來源：Threads＠lam_chanchan
同場加映：紅磡大叔睇《破．地獄》起衝突 4招擾人嘈足全場 港男疑違法舉動反擊惹議↓↓↓↓
