
姜大衛、譚俊彥、郭柏妍等今日(12日)出席《麻雀樂團》花車巡遊,花車途經灣仔、旺角及尖沙咀,期間眾演員亦有大派飲品及紀念品。
John哥讚關嘉敏勤力
《東周刊》早前獨家爆出參加《女神配對計劃》的姜卓文(細John)背關嘉敏偷嗒露股網紅CoCo,而CoCo得知細John參加節目後大發雷霆,兩人更因此鬧大交。對於兒子的感情事,姜大衛(John哥)表示也有問過兒子,而他也跟自己說是在網上認識,只是對方剛來香港玩,問到對CoCo印象?他說:「冇認真睇!我問佢你有冇先,佢話冇,只係朋友,但因為拍緊節目佢自己都擔心,佢話明冇,我信佢!有就有冇就冇,有乜所謂!(細John唔係好大壓力?)唔知!」至於細John跟關嘉敏關係,John哥就表示不知道,但笑言自己也有追看節目,不過就沒有問細John,問到對關嘉敏的印象如何,譚俊彥即幫口表示對方在劇集中做得不錯,而John哥就覺得關嘉敏是一個很勤力的女仔:「有乜講乜,好爽!但我同佢冇合作過,(啲人話佢似家嫂型!)係咩?家嫂有好多種,(做新抱好唔好?)唔知,睇佢對我點先,對個老爺點,唔好問呢啲,關我咩事!」






John哥稱與狄龍想法不一樣
另外,近年John哥與狄龍一直傳不和,John哥也曾講過跟狄龍是「道不同」,不過狄龍最近接受訪問時表示John哥是「永恆的朋友」,John哥指大家對「朋友」的想法也會有不同,而身為狄龍兒子的譚俊彥就指看過一個專家講,表示如果跟對方做了四年的朋友,就是一世的朋友,問到現在兩人的關係如何?John哥說:「我都講過,大家諗法唔一樣,做法唔一樣,大家咁大年紀,做嘅嘢唔一樣唔出奇,冇乜來往都唔出奇。」譚俊彥則以一個喜歡吃公仔麵,另一個喜歡吃炒飯作比喻,問譚俊彥會否相約爸爸和John哥一起食飯,他說:「有緣份咪約到出嚟,我都好難約到我阿爸,而家佢最緊要湊孫,嚟緊我同John哥又繼續合作,緣份嘅嘢就好似我同John哥咁,呢幾年一路咁行落去,可能更加多機會繼續合作,同細John可能又會合作,大家都係呢行嘅人,一代二代咁樣落去。(同John哥合作又俾人提返呢啲事,會唔會尷尬?)梗係冇啦!」
譚俊彥獲教授打牌手法
另外,提到《麻雀樂團》John哥指今次拍得過癮,因可打麻雀,譚俊彥就謂John哥也有教他打牌手法,又透露John哥曾因流感中招,本想還想開工但故被監製叫他休息。提到打麻雀,John哥指因以前沒太多娛樂,所以也有跟沈殿霞一起打牌,不過後來就不敢打:「因為越打越大,唔關輸贏事,覺得唔係幾好,當時70年代,一場幾萬蚊。」



胡敏芝與初戀男友一起7年
同場的郭柏妍指第一次做花車巡遊宣傳,覺得幾得意和新奇,又透露最近跟女性朋友及家人也有一起做運動,至於胡敏芝就自爆因拍完綜藝後覺得自己眼界不夠,故早前與男友去了歐洲旅行一個月,問到跟男友朝夕相對可有鬧交?她笑言對方是初戀男友,已在一起七年,早已鬧完要鬧的交:「加上老咗,已經冇力鬧交,(有冇諗旅行結婚?) 我仲後生,完全冇諗過結婚。」