將軍澳一名被指無企正巴士站截車的女乘客，上車後竟發惡與車長發生爭執，並疑在盛怒下向車長方向掉飲品。但因為躁女在事件中的慘慘下場，全車人鼓掌。詳情見下圖及下文：
無企正巴士站截車 將軍澳女乘客上車後竟發惡 疑向車長掉飲品逐張睇↓↓↓↓
樓主：爭執其間將手中飲品掉向車長方向
樓主早前在facebook群組「將軍澳主場」上載長逾1分鐘的短片發帖，指「事緣就係呢位大媽和同行另一位輪椅人士冇企喺正站截車，車長都好好開門俾佢，好心問佢去邊度，驚佢搭錯車。佢話去播道（書院），然後上車佢就開始Ｘ車長，話咁落雨吖嘛bla bla bla（諸如此類），發脾氣大大力丟自己個車仔，再老屈車長觸犯殘疾歧視條例」。
樓主續指，背心女「爭執其間仲將手中飲品掉向車長方向，中途有位正義哥哥喺上層衝落嚟收佢皮，大媽欺善怕惡，最終敗走，全車鼓掌」。
片中所見，涉事巴士為往來將軍澳工業邨及尖沙咀（東）的796X綫，短片沒有拍足事件的全程，開始時見穿拖鞋及短裙的背心女，與車長已展開罵戰：
•背心女於輪椅位大鬧：X你老XX吖。
•車長：嘩，你愈講愈嚴重，我報警喇，唔好講啦唉！
•車長邊說邊落車。
•背心女心急行向車頭方向，面向巴士車門罵街：你報咩警呀？邊個唔啱先呀？係你唔啱先個喎，先生！……你而家咩態度呀，你打工唔係咁Ｘ樣呀！
•在車上的背心女邊喝出一聲「下！」後，邊向已落車的車長方向投擲手持的黃色飲品。
•背心女接著一口氣大鬧：X你個街呀！X你老X臭X吖！即刻打去投訴！
•接著，背心女左手從牛仔短裙後袋掏出手機在手上轉了一圈續罵：嘩，真係……下……火都嚟埋啊真係！
由於巴士因事件停駛，兩人爭持期間，見到上層乘客陸逐走落下層了解情況，有人更疑似索性落車。
相關閱讀：巴士車長乘客疑衝突雙雙倒地 齊齊影帝上身碌地扮被撞？目擊者：你自己詐諦跌咋，我做證！
樓主：車長同我哋講唔好意思
樓主在回應欄補充：「車長同我哋講唔好意思，全車人撐車長，大媽話會打去投訴，我睇吓send（傳）返條片比城巴做證先」、「佢以為屈車長殘矦歧視，其他乘客一定會幫佢」、「好彩而家多咗正義乘客識分是非黑白，撐車長」、「司機態度好正常呀，所以有啲大媽癲起上嚟真係癲㗎，莫需有㗎」。
有回應的網民建議「要請個保安係巴士跟車啦」、「高鐵、飛機有黑名單，巴士要諗下機制又或者請個保安跟車」。
網民期待睇背心女敗走一幕
由於樓主沒有拍攝到背心女敗走一幕——「中途有位正義哥哥喺上層衝落嚟收佢皮」，不少網民指「好想睇佢被收皮嗰段」、「好失望睇唔到精彩部份」、「不如你口述下點樣收佢皮……好想知」、「冇咗收皮嗰段你話笛子魔童過嚟夾走佢都得啦」、「又話有人叫距收皮嘅，嗰個大媽咁大隻嚇親個司機啊」。
樓主於是自責地回應「影唔切，只係影到部分」、「係啦，我又掛住食花生影唔切」。另有人笑言「粗口女人成件事最後悔應該係癲完發覺無咗杯凍飲」。
資料來源：Man Man＠facebook
相關閱讀：巴士阿叔拒摺BB車大戰女車長 女車長嘆好人難做：我等埋你仲Ｘ我老母 最後咁處理↓↓↓↓
有巴士女車長好心等追車的阿叔上車，未料阿叔上車後竟拒絕摺起攜帶的BB車，疑阻塞通道，更不斷以粗口罵女車長「服務態度差」，女車長大嘆好人難做：「我夠鐘開車㗎啦，我等埋你，你仲Ｘ我老母！」。事發的影片在網上流傳，全過程如下↓↓↓↓
