一名穿著黑色膠拖鞋的青年，前日（25日）懷疑在暴雨下跣腳，鞋面上滑卡實小腿，情況尷尬又狼狽。在不能自拔下，青年獲友人出手「幫拖」，實行拔「鞋」相助。
隧道避雨下發生的這一幕盡顯兄弟拖鞋情，不少網民羡慕事主，樓主更加在回應欄引用賀歲片《家有囍事》 內周星馳的對白感嘆「人生有個真正朋友的確好極」。詳情見下圖及下文：
暴雨兄弟拖鞋情 黑拖慘卡小腿不能自拔 好友幫拖狂抆咁樣解困逐張睇↓↓↓↓
「幫拖」紮馬發力狂抆
樓主前晚在社交平台Threads上載兩幀相片發帖，留言指「有咩慘得過避唔到雨，仲要咁樣」。本港前日傍晚天色大變，突然下起暴雨，樓主於當日晚上8時39分發帖，正是紅色暴雨警告信號剛好仍然生效之時。第一張相見到左腳像赤腳的事主，小心翼翼地扶著路牌鐵柱；第二張影到有兩人正在「幫拖」，捧著事主左腳紮馬發力狂抆。
網民：有呢位朋友好幸福
雖然鞋面卡小腿的情況不堪，但網民可不覺得事主太慘，反而因為這幕，彰顯出友情的光輝價值。其中一名「幫拖」路人更在回應欄留言補充當時情況——「喺現場睇住佢哋抆到瞓晒地都搞唔掂，所以忍唔住過去幫佢哋，好彩最後成功搞掂。不過真心佢有呢位朋友好幸福」。
其他回應的網民也排隊大讚「幫拖」的做法好夠朋友：
•係青春；
•好可愛；
•少年的拼勁；
•好正啊，好有愛；
•今次真係「幫拖」；
•好幸福有朋友幫手；
•年少時先會有呢啲朋友；
•人生有個真正朋友的確好極；
•真正嘅朋友，第一下應該笑到傻咗；
•呢個Moment（時刻）可以播返首（古巨基）「友共情」；
•落雨又怕咩喎，最緊要有fd（朋友）子幫手著返好隻拖鞋。
有人更加笑指情況「太滑稽」、「Sor（對不起）笑咗，第一張完全唔知咩事，以為小腿整親有塊墊，所以落雨唔方便。直至我睇到第二張相」。還有網民估計現場可能是太和或沙田；另有人上載相片笑稱「轉頭踢波啫，護pad（保護墊）嚟」。
資料來源：wlh_911＠Threads
相關閱讀：紅雨「閃光彈」 3小時1萬次閃電 風起雲湧變天照洗版 網民驚問是否世界末日？↓↓↓↓
壓城烏雲噬殘陽，雷鳴悶聲塌山崗，銀蛇劈天照慘白，奔騰傾瀉匯成江。本港7月25日傍晚天色突變，天文台晚上先後發出黃色暴雨及紅色暴雨警告，期間雷電交加，部分地區狂風大作。根據天文台的數字，昨晚6時至9時的3小時內，共錄得震撼的近1萬次閃電，令暴雨時刻變成耀眼「閃光彈」↓↓↓↓
