一名穿背心短褲戴耳機的年青男子，被拍攝到在乘搭機鐵時棟高腳埋首剪腳甲，剪到「啪」一聲 。這位年輕人的無公德心舉動嚇壞一眾網民，排長龍狂轟。樓主今日（27日）在社交平台Threads上載短片發帖，指「以後坐機鐵都唔坐呢個位，剪到成地腳甲」。詳情見下圖及下文：
後生仔機鐵剪腳甲剪到「啪」一聲 腳趾開花剪完一隻又一隻逐張睇↓↓↓↓
腳趾開花 剪完第二隻再剪第三隻
片中見到背心男剪腳甲剪到腳趾開花，剪完第二隻腳趾，再剪第三隻，神情專注，看似剪得相當滋味。短片還清楚錄到剪腳甲時清脆的「啪」一聲。而背心男身旁放有攜帶的黑色背囊，背囊滿載物品，拉鍊半開，並扣有相信是史迪仔的毛公仔。
相關閱讀：港鐵車廂變啪啪聲修甲店 又銼又剪 馬尾女落車前遭乘客圍斥 「神蹟」反應嚇窒網民
網民針對年紀加以斥責
回應的網民幾乎無一認同背心男的當眾剪腳甲做法，排隊開火狂轟，當中特別針對其年紀加以斥責：
•自私到；
•公德問題；
•估唔到後生仔都咁；
•第一次見後生都係咁；
•剪埋腳甲又真係誇咗；
•後生細仔，做埋啲咁嘅嘢；
•我以為啲阿伯先會咁樣做真係長知識；
•真係怕咗呢啲人，好心腳甲返屋企先剪啦；
•真係好討厭人喺公眾地方剪指甲，一啲公德心都無；
•推到事主睇到呢件事其實唔啱好嘛。到底我睇緊啲咩；
•靚仔大隻小鮮肉會扣少啲分，如果係阿叔或師奶我實嘈佢；
•黐線㗎，我冇眼花嗎？佢幾多歲？不如話我知佢係阿伯呀；
•以為喺車入邊剪指甲老人家先做，點知宜家啲後生退化到剪埋腳甲；
•其實咩原因令到啲人要喺公眾地方剪指甲呢？真係咁突然醒起要剪？
相關閱讀：巴士上剪指甲車長開咪鬧 19字「金句」惹熱議 網民：車長經歷過？↓↓↓↓
有馬鞍山網民分享，有乘客在巴士上剪指甲，嘔心行為引來巴士司機開咪嗌，司機開咪講了19個字，不只單純制止，還夾雜教誨道理的「金句」，引發網民熱議。
樓主2023年11月16日在「馬鞍山之友2.0」FB發帖，指在搭巴士681號線，還到嘔心事，該巴士路線來往馬鞍山市中心及中環。樓主當日返馬鞍山，有乘客在該巴士上剪指甲，結果引來巴士司機嗌咪，說以下說話↓↓↓↓
