Anson Lo（盧瀚霆）在7月7日30歲生日，熱愛工作的他在今天繼續開工，聯同「妹豬組」成員姜濤、呂爵安及李駿傑，到屯門School Tour演出，為學生打氣。大會亦特別為他送上蛋糕慶生，全場師生更齊齊大合唱生日歌，教主許生日願望祝全體學生學業進步。
Anson Lo拍片現身 粉紅海再現
盧瀚霆國際後援會繼日前舉行5千人生日派對後，今天（7日）繼續有慶生活動，一直視自己生日如神徒生日的AL早早預告今晚在教主碼碼有驚喜。大批神徒無懼酷熱高溫，穿上粉紅色服裝一早到尖沙咀碼頭對開的LED大電視霸位，期間不時唱《Hey Hey OK》，不少遊客均停下腳步打卡。踏正晚上7時，AL「現身」教主碼頭，向神徒表達謝意兼唱生日歌，令到場「朝聖」的神徒既驚喜又感動，影片播放後，近4千神徒齊齊唱生日歌互相祝賀生日，場面極為震撼。AL在影片中對神徒表示：「Hello！各位神徒BB大家好，我係盧瀚霆Anson Lo，生日快樂，唱首生日歌畀大家聽先。我不嬲都講，我嘅生日就等如大家嘅生日，咁祝你地生日快樂，最緊要身體健康、青春常駐，同埋開開心心最緊要！希望你哋有一個難忘嘅生日。」
AL續說︰「我知道你哋做咗好多打卡位，同其他唔同嘅慶祝活動，無論任何形式嘅慶祝和支持，對我嚟說都係重要。你哋每一位對我嚟講都係好重要！所以希望你們玩得開心、小心，互相照顧！我哋繼續喺呢個里程碑上，互相愛護對方，大家互相支持同充滿正能量，You Back me up, we back it up together！I Love You！」片段尾聲時Anson Lo向Fans送上飛吻，為生日慶祝活動畫上完美句號。另外，於九龍塘又一城的《Anson Lo & Sontos – Together We Glow Popup Store》，連日來吸引大批神徒打卡，收藏卡更曾一度斷市。Popup Store將在本月11日結束，大家可爭取最後打卡機會。
