李龍基貼心為王青霞出獄籌劃「重生」儀式 買碌柚葉衣紙去穢氣從此要光明 丨獨家

74歲李龍基的36歲未婚妻王青霞（Chris）因逾期居留、使用虛假文書等罪被判囚25個月，扣減刑期後於今天出獄。為迎接愛妻重獲自由，提3天籌劃「重生儀式」，出獄前夕先獨赴街市購置傳統去穢氣的碌柚葉及檻火盆衣紙，昨晨到深圳灣口岸，手持60枝粉紅色玫瑰迎接未婚妻，情緒激動高呼：「老婆老婆！」60枝花更暗藏「分分秒秒都愛你」誓言，基哥接受《星島頭條》獨家訪問時開心說：「好啦，從此光明㗎啦！」

李龍基在深圳灣口岸迎未婚妻王青霞出獄。

王青霞不時避開鏡頭，和以前高調作風有所不同。

60枝花更暗藏「分分秒秒都愛你」誓言。

王青霞着暗粉紅衫喻意有新氣象。

日前他在街市上，李龍基受到街坊的熱情歡迎，許多師奶FANS要求合照，紛紛表示自己是他的歌迷，並詢問開演唱會的時間。商販亦爭相招呼，魚檔老闆娘大讚他「後生又Fit」，更有店主推薦風濕藥膏，他心情大靚幽默回應：「暫時未需要住！」面對豬手推銷，他更笑稱：「鹹豬手就有啫！」顯見心情愉快。

用碌柚葉沖涼去晦氣迎接新氣象。

基哥用20元買夠兩束碌柚葉。

檻火盆衣紙買了7元。

李龍基受到街坊的熱情歡迎。

魚檔姐姐話要請基哥食魚。

哽咽肉赤牢獄之苦

李龍基透露兩人未來新動向，他為Chris準備好了珠海的「安樂窩」，讓她靜休後重新出發。他坦言稍後將生活重心將移往內地，已適應當地價廉物美的生活：「好彩自己做人要求好低，但求食得飽瞓得好。」更讚賞服務態度一流。談及等待年半的心情，他一度哽咽：「18個月前覺得好漫長，尤其一個自由自在嬌生慣養嘅女仔要面對咁長嘅刑期，喺裡面係好辛苦嘅，諗起佢咁後生要受牢獄之苦，我就好心痛。現階段放低晒所有嘅壓力，好在衰氣已過！」

基哥每當提到Chris受牢獄之苦就肉赤得哽咽。

74歲李龍基依然精壯。

基哥提前3天為王青霞籌劃「重生儀式」。

基哥好愛未婚妻，講起王青霞都會笑。

基哥強調結婚大計唔係「吹水」。

獄中悔悟承諾改過

李龍基感慨表示，知道Chris以前有好多不善之處，以前見「老公」有啲知名，好性勝心驅使下要高調同「老公」平起平坐，才搞出好多禍端，但她在獄中深刻反省過往高調行事的錯誤，更在信中承諾改過：「佢話『有幾長日子就陪到你幾長』，我好欣慰。」他強調不會隱藏妻子曾服刑的事實，希望她「成長面對世界」，但尊重她現階段拒見外人包括家人的意願：「人誰無過？知錯能改就得！網上抨擊當烏鴉叫，但出街個個都對我笑。」  

基哥收到Chris在獄中寫給他的410封情信。

獄中家中承諾改過。

節目中基哥自爆一週10次房事。

基哥唔使再喊住去探Chris啦。

靈慾一致係好夫妻

被問是否進補準備「新婚生活」？他大笑拒答細節：「靈慾一致先係好夫妻！(係咪一週10次？)呢啲係我哋兩個人之間嘅事，唔講你聽！」又笑言食來要強身健體，以補健為主，不一定幫助性事。

Chris已出獄，基哥不用悶在家中自彈自唱。

李龍基、Chris可以變返連體嬰。

60枝玫瑰暗藏玄機

另外，今午2時多，Chris刑滿後被入境署送往深圳灣口岸，苦候多時的基哥即送上60枝紅色玫瑰，每支代表過去18個月的思念。只見面容憔悴的Chris目無表情，低頭不語，不時迴避鏡頭，反而李龍基難掩興奮說：「非常開心！等咗好耐，終於等到佢出嚟！好啦，從此光明㗎啦！」他又護妻，強調要畀老婆靜一靜：「佢唔想講嘢。」而兩人返到珠海愛巢後，第一時間燒衣紙檻火盆，Chris又用碌柚葉沖涼來去晦氣。

基哥早已為Chris揀定訂情信物。

Chris令李龍基好頭痛。

王青霞曾送油畫畀馬國明。

王青霞有唔少黑歷史。

曾訛稱係飛機師。

盡快結婚唔係「吹水」

問到愛的承諾時？基哥堅定道：「喺張紙度畫隻龜咪係承諾囉，我哋會盡快進行。」對於外界質疑結婚計劃係「吹水」，他卻豁達採取懶理態度道：「唔需要理佢哋，總之係我哋兩個人嘅事，我好肯定咁講好快會結婚，佢都實實在在咁應承咗我，但申請需要時間，我哋兩個有心行呢條路冇人阻止到。」