若果你是個對公義、法治、自由、品味、道德、規矩 毫無底線的小人，必定會愛透特朗普。因這位世界最高權力的人，剛剛又公然代表美國撕下自己面具，掙脫一切「扮 」枷鎖，直認美國很Nasty（美國人會同意嗎？）。
服晒！做總統竟公然面對記者大講粗口「FXXK」，面對新聞訪問直言美國手段污糟，當然會以黑客入侵其他國家。
肆意橫行到咁，你話幾過癮，尤其令人笑爆嘴為個霍士新聞訪問員（記住，係新聞節目）巴爾蒂羅莫（Maria Partinomo），本來懶叻，諗住跟狂特亂屈別國人的旋律，Set個炮台畀佢大肆抹黑中國時，狂特竟然玩倒轉，自認「我 都係咁衰」！
搞到 婆無地自容，呆 ，幾乎撼頭埋牆，因個「炮台」被一 摧 。
我諗，不少人已經慢慢「愛上」特朗普，因佢實在太有娛樂性，在一個悶透的世界中，日日表演不按理出牌大法，製造無盡「驚喜」畀全世界人睇。
大家一起身就等佢表演——嘩嘩嘩，乜咁都得？原來美國總統可以咁過癮，亂 又得，兇人又得，Kiss人Axx又得，反口覆舌又得，自己撕爛道德面具又得，掀起美國個核突肚皮示眾又得，將敵人當老友、將老友踩扁又得
最有趣是越來越多人放棄立場，跟呢位「Daddy」起舞，核突無底線！
世界會否大亂？好難答。但肯定正在開始一套新秩序、新價值觀、新權力分配。
美國本來不分黨派有共識視中國為最大敵人，決全力妖魔化再狂砌。點知總統狂特突然擺明恨去中國恨到流口水，好想與習近平在北京見面齊齊閱軍。你話係咪玩死日日跟佢起舞班內閣 佬 婆？
