曾智華
每年此時，馬會就會呼籲公眾投票，齊選「最受歡迎騎師」及「最受歡迎馬匹」。
近幾年，前一項已成搞笑又冇意義的選舉。因正常講，冠軍騎師應該就是最受歡迎的，喂，贏咁多馬，彈離晒，當然騎功高超，以及理論上為捧場馬迷贏最多錢，仲唔錫晒佢？若如此，潘頓就應在公眾投票中大熱勝出，成為最受歡迎，當之無愧啦。
可惜，情況絕不如此！
冠軍騎師至今贏\u5497一百二十多場，拋離亞軍布文成條街，多了幾乎一半頭馬，其他騎師更是全部食塵，咁犀利，馬迷鍾意佢嗎？
唔使做公眾調查，結果肯定是大部分投注者一講起佢，就MM咁\u5605聲，因呢條「軟硬鞭」隻手遮天，騎任何馬，無論點騎都絕少被抽秤，競賽小組似乎唔知係怕\u5497佢定錫到佢\u71f6，故用另一把尺另一準則處理佢。
如此坐大，當然點跑都得，出軟鞭又得，跑跑下拉停望馬腳又得（當然有佢理由），夢遊馬場又得，大發神威就更加得。
買佢時，分分鐘唔知跑\u5497去邊，全熱門也話之你。但你唔買佢，則分分鐘篤爆你。
不過，數據顯示，場場買佢十蚊雞都一定輸。總之，佢一定唔應該獲選「最受歡迎騎師」。
咁，阿二「哈囉文」得嗎？唔得！因佢經常騎大熱變「蝦碌文」，輸實力馬唔使眨眼，咪\u561e。
今季若要夾硬選一個人，我會投霍宏聲一票。
至於最受歡迎馬匹，先飛起「嘉應高昇」，雖今季長勝，但獨沽一味千二米，未能算王者；「浪漫勇士」已達強弩之末，應考慮退役，差少少；「遨遊氣泡」也非完美，但比較之下，我會投下佢成為馬王一票。
周三蔡神仙\u519a旗，但今日則勁馬空群而出，尤其最尾四場，似乎擺出個過關陣勢！
