有小巴司機在駕駛期間懷疑瘋狂聞歌起舞，忘我的表現讓網民愕然，有人認為動作有點似耍詠春，笑稱這是功夫小巴；有網民則嚴肅地提醒情況危險。詳情見下圖及下文：
小巴司機駕駛期間瘋狂聞歌起舞 網民O嘴：好似耍詠春咁逐張睇↓↓↓↓
駕駛期間聞歌起舞
樓主昨日（28日）在facebook群組「車cam L（香港群組）」以「司機咩事？ #轉載whatsapp谷」為題，轉載一段長約26秒的短片。
片段聚焦小巴司機的駕駛態度，見到司機在駕駛期間幾乎全程投入到音樂世界，聞歌起舞，坐著的身軀在手舞足蹈，百忙的左手隨音樂像打功夫般舞動，左腳也隨拍子興奮地搖動。
好奇的網民連忙查問「邊條線？」，有回應的網民知道小巴行走「元朗至屯門」，有人更可能是熟客仔，認出司機來：
•係咪元朗屯門小巴 ？個司機會成日喺度笑；
•佢唔單止好似耍詠春咁，仲不停喺度講嘢，不停咁笑；
•呢個嘢，坐屯門至元朗線，都應該冇人不識。驚就唔好坐，坐就唔好驚～～～；
•有一次我又係坐中呢個司機，開車之後佢又喺度大笑 。之後坐隔籬個女人問我係咪應該要落車？；
•如果係屯門嗰個我坐過佢幾次車啦，紅色小巴，自己同自己講嘢㗎喎，跟住喺度大笑，但係佢好好禮貌喎；
•第一次坐佢後面俾佢嚇死，自己同自己講嘢跟住喺度大笑，基本上我1年都坐唔到10次嗰條線嘅小巴，但係、但係我都坐過佢唔知3次定4次。
相關閱讀：搭小巴遇超級有禮司機 4句對答撫平生活壓力 港男：成個人精神爽利晒
網民：生命可貴
有回應的網民認為情況危險，提醒：「要扣好安全帶」，有人甚至認為「生命可貴，即刻落車」、「快啲落車，唔係有生命危險」。網民接著不斷調侃司機的舉動：
•神打？；
•發羊吊；
•開心舞；
•自得其樂；
•人車合一；
•忘我境界；
•好過恰眼瞓；
•過度活躍症；
•被揸車耽誤咗嘅舞者；
•佢眼瞓，郁動下提神；
•咁樣算唔算危險駕駛呢
•頭搖又尾擺，飄移境界；
•一路揸車，一路玩神打；
•功夫小巴，降龍18掌 x 揸小巴；
•花式轉波大師傅，做你乘客真命苦；
•職業賽車手！！兼職van仔（小巴）。
另有人根據片中錄到的歌聲和司機的「舞姿」，認為正「聽緊郭富城」、「模仿緊城城嘅對你愛不完」、「我睇得出，佢係跳緊郭富城嘅狂野之城」。還有網民上載相片指「啱啱坐中佢車」、「揸揸下企起身大嗌STAND UP（起身）」。
資料來源：家寶＠facebook
相關閱讀：兩女強登車自製「小巴企位」 企硬拒走司機照開車↓↓↓↓
有網民直擊今年新春期間，搭乘小巴時，有一家人衝上車，明知不夠座位，仍有兩名女子企硬拒下車，自製兩個「小巴企位」，司機在勸阻無效後，竟照開車。女事主在社交平台Threads發帖，講述她形容為「好癲」的事件，當時情況如下↓↓↓↓
