MIRROR成員姜濤昨日（24日）下午在西區副食品市場對開墮海，被途經的海事處外判商船隻發現將他救起，當時他仍然清醒，其後送院救治。姜濤發生墮海意外後，今日（25日）如期出席活動，包括在麥花臣舉行的《呂濤米Lo Seoul》旅友旅途分享會，晚上他將飛往巴黎出席時裝周，並在機場接受傳媒訪問。《星島頭條》在機場現場直擊姜濤見記者情況。
姜濤稱身體沒有大礙不用擔心
大批姜糖在機場VIP通道外等候偶像，不時大叫姜濤名字並謂：「I Love You！姜濤加油！姜濤加油！」姜濤坐的黑色7人車在10時19分到達，姜濤向現場傳媒打招呼再企定影相，姜濤的精神不俗，談到身體狀況，他覺得沒有大問題：「醫生CHECK過，一切都冇事，安好，唔使擔心，但係醫生批准咗我，而且我覺得身體冇大礙，所以今日如常工作。手部有少少受傷，公司建議休息，但係出便有好多謠言同猜測，唔出嚟會有好多事情，所以我出嚟話畀大家知。我係冇事，我嘅意願都係想出嚟做嘢。」
姜濤認曾食止痛藥飲少許酒
姜濤續說：「多謝大家關心，噚日係意外，天氣好好，跑步嗰陣想坐喺海邊，睇下夕陽，而且又有少少唔舒服，咪喺欄桿放鬆吓，點知做咗個唔好嘅示範，跨咗欄杆出邊，我見平時都有人會喺欄杆出面釣吓魚，點知起身返去有少少暈，跣咗一下，係好意外嘅事，係第一次，亦都係最後一次，希望大家唔好學。不過我跌落水先知『嘩，咩事呀？』（情緒問題？）冇呀，我諗係大家太擔心，我係有少少頭痛，食咗止痛藥，飲咗少少酒。我冇借酒消愁，平時少飲酒，最多係打吓波。好多謝所有撈返我上嚟嘅救護人員，我本身識游水，但好耐冇游。冇遇到呢個情況。多謝好心人畀個救生圈我嘅人，我都好抱歉因為呢件事佔用咗好多公共資源，大家唔使擔心。」姜濤稱爸爸媽媽都有嚇親，有向他們解釋，他隨後合十向大家致謝並轉身向姜糖打招呼後離去。交代事件後，姜濤立即更新IG限時動態，他對鏡自拍狀甚輕鬆，並再次表示I’m Fine。
姜濤墮海事件發生後坊間謠言四起
姜濤墮海事件昨日發生後坊間謠言四起，MIRROR經理人黃慧君（花姐）昨日回覆傳媒查詢時表示：「大家好，請給我點時間，姜濤會有統一回應給大家，謝謝」。其後她在Instagram發文，並引述姜濤表示：「只是自己不小心，發生了小意外，我沒事，請大家放心。希望不要有任何揣測，真的很抱歉，令大家擔心了。 From Keung To」。
姜濤經理人公司MakerVille：一切安好
及後姜濤所屬的經理人公司MakerVille亦於昨日發表聲明回應事件，指「姜濤今日（24/6）下午在西環海旁跑步，期間暈倒不適，醒來時已被救起。姜濤正在醫院休息，並沒有大礙，亦感謝意外中協助的每一位，抱歉令大家擔心。姜濤一切安好，很快會跟大家見面，外界傳聞並非事實，請大家不要作出不必要的揣測。」
姜濤昨晚發IG Story報平安
而姜濤本人亦於昨晚約9時30分出IG Story報平安，留言：「大家不用擔心 明天見。」意味他將如期出席活動。姜濤原定今日晚上與MIRROR成員Anson Lo（盧瀚霆）、Edan（呂爵安）及Jeremy（李駿傑）出席在麥花臣舉行的《呂濤米Lo Seoul》旅友旅途分享會，流程上原本設多個互動環節，包括成員分兩組作深情對話，亦有彩蛋活動，整場活動長達5小時之久。分享會原定於傍晚6點開始，大批鏡粉於下午5點半陸續進場，但鑑於Anson Lo手術後正在復原，加上姜濤昨日在西區意外墮海，為免二人身體太勞動，鏡粉進場後，得知活動臨時取消，改為20人一組與「士多啤梨組」四子分組拍攝大合照。傍晚6時許，ViuTV正式發聲明宣佈：「士多啤梨組感受到粉絲們滿滿的熱情與支持，今日特地到場與大家見面，並已安排於七月二十九日補辦活動，屆時再次與大家相聚。」完show後即晚飛往巴黎出席時裝周。
相關閱讀：
姜濤墮海丨多名藝人出Post怒斥網民冷血 練美娟：可以不愛但不要傷害
