深水埗街頭本月17日晚上出現火爆一幕，一名蓄羊咩鬚的光頭漢懷疑在雨中衝燈亂過馬路，險被一輛私家車撞倒，期間疑似不滿被罵嬲出表情包，無視馬路如虎口的危險，站於路中心截停私家車破口大鬧，更加懷疑出腳怒踢車頭。有網民則認出這位港版「龜仙人」並大爆其行蹤。詳情見下圖及下文：
疑衝紅燈亂過馬路險捱撞 深水埗躁漢做一動作挑釁司機逐張睇↓↓↓↓
光頭漢發火氣勢凌人
樓主日前在facebook群組「車cam L（香港群組）」上載長約44秒的無聲短片，記錄了光頭漢懷疑衝燈、指手畫腳謾罵，以及疑似踢向車頭的過程。
現場為深水埗欽州街與長沙灣道一燈位，樓主上載的車cam短片長約44秒，畫面左下角顯示的時間為6月17日晚上7時45分左右。片中見到光頭漢過馬路時，行人過路燈正亮起紅公仔，而光頭漢發火時氣勢凌人，不斷張口指罵。
撞臉《龍珠》龜仙人
有網民懷疑光頭漢「發酒瘟？」，有人形容對方為「人形減速帶」。更有不少網民覺得光頭漢的外形，跟經典動漫《龍珠》內的龜仙人撞臉：
•龜仙人；
•香港龜仙人；
•龜仙人現代版；
•一陣佢用龜波氣功；
•壞人變老了，佢個樣勁似龜仙人；
•龜仙人咁款嘅，小心佢出龜波氣功；
•龜仙人喎⋯⋯無出龜波氣功算你執贏啦 ；
•龜仙人冇咗副超同個殼，如果有，可能可以一腳踢過海。
相關閱讀：屯門黑衣漢亂過馬路 跨欄失手慘變人肉搖搖板 網民爆笑：跟東莞仔學幾年
網民疑車主撩人在先
有細心的網民更加擔心短片了曝光，「過咗今日之後，阿叔要剃留咗好耐既白鬚」。針對光頭漢站於車頭的懷疑腳踢動作，網民則有不同說法：
「撳實個咹 睇佢踢到幾多下」、「其實佢踢嗰下，個司機放掣衝上前轆到佢……都幾危險」、「你只係影到做出踢腳嘅動作，你又點證明佢真係踢到落去？」、「有冇踢爛架車？告佢刑事毁壞？刑毀咗啲乜嘢？叫佢陪乜？」、「可以試下留言：有證據車頭已凹，請48小時內聯絡商討賠償，否則報警處理」。
另有網民留意到光頭漢發火前的反應——原本行往安全島時，卻突然轉身開火，估計有可能是私家車司機出口在先：
•點解（短片）無聲？；
•點解你唔放原聲？？；
•一睇就知車主ＸＸ人先啦；
•樓主一定係做咗啲衰嘢啦；
•肯定片主搏命響咹，嚇親寶寶；
•可能驚自己把驚青聲俾人聽到；
•點解無聲嘅？……係唔係你寸口撩人先啊？
有街坊則認出光頭漢，透露「呢位阿伯深水埗出晒名……經常喺北河街公廁附近遊蕩」。
此外，樓主以「原來周街踢人哋部車係冇後果，喜提一個腳印，同報案number（號碼），然後就不了了之」，有網民則安慰樓主，指「唔通你呢頭報完案，轉頭就會拉到咩，定你報完案佢會自己去自首呀？」。
資料來源：Sam Wong＠facebook
相關閱讀：南亞漢旺角充「和事佬」馬路「拆彈」 一招平息Tesla躁漢撩戰七人車 網民：好方法！↓↓↓↓
有駕駛Tesla的大叔在旺角，懷疑因為七人車阻路，大動肝火，撩戰七人車司機：「Ｘ你老母，冇Ｘ閂門啦，唔好Ｘ走啦！」
兩人衝突引致道路大塞車，現場汽車響咹聲大作，一名駕駛電單車送外賣的南亞漢，路過時即時停車，充當和事佬，最後成功「拆彈」，事件經過被網民拍下如下↓↓↓↓
