曾擔任國際武打巨星李小龍及成龍替身的知名特技演員陳一燕（又名陳一言），疑遭從小認識的同住者蓄意放火燒至重傷。同住者否認企圖謀殺、有意圖而縱火等罪，案件完成10日審訊。陳一言出庭供稱被告無緣無故「攞支嘢淋落我身度，一手持噴火槍，噴落我身度，噴到我全身都係火」，被告則指兩人當日就狗糧事宜發生爭執，他因「唔夠打」遂向陳淋潑不明液體自衛，堅稱對起火及陳被燒傷的原因毫不知情。5女2男陪審團退庭商議近7小時後，一致裁定被告兩罪罪脫，兩項交替控罪亦不成立。
71歲無業男被告孫崗旦被控於2021年12月20日，在馬游塘村124B號屋旁一所未登記寮屋內，企圖謀殺陳一燕（又名陳一言），以及無合法辯解而用火損壞其寮屋，藉此危害陳一燕的生命。兩項交替控罪則指孫崗旦於同日同地有意圖而導致陳一燕身體受嚴重傷害，無合法辦解而用火損壞其寮屋，罔顧陳一燕的生命是否會因而受到危害。
事主指被告向他淋電油再用噴火槍點火
73歲男事主陳一言出庭作證時指出，他從小認識男被告孫崗旦，「啲人叫佢『長毛』」。涉案寮屋原有兩名屋主，但「有一個屋主病死咗，有一個屋主被車撞死咗」，故孫便佔用單位，陳其後亦搬到該寮屋與孫同住。陳形容他和孫兩人各自過活、甚少溝通，而案發當晚陳在沙發床上休息期間，「姓孫嗰個無端端攞火酒定電油，同噴火器過嚟，唔知點解」，「攞支嘢淋落我身度，一手持噴火槍，噴落我身度，噴到我全身都係火」，孫其後繼續淋電油至陳的衣服、手提電話、銀包、身份證等，陳憶述孫「一路淋一路燒，成間屋都著火」。
陳全身著火後「走去搵俾狗飲水啲水筒」滅火，再找其他水源撲火後，成功淋熄身上所有火焰，便逃離火災現場。陳看到屋外已有不少圍觀者，遂要求圍觀者「打電話報警同叫十字車」。陳指他「右手深色啲，傷得重啲」，當時「兩隻腳全部著曬火」，醫生曾從他腳上取皮來補貼頸上皮膚。
辯方指被告只淋不明液體自衛起火因電線走火
辯方則指孫陳兩人當日就狗糧事宜發生爭執，孫因「唔夠打」遂向陳淋潑不明液體自衛，但否認曾持噴火槍點火，並質疑陳可能在混亂中誤判起火原因，而真正的起火原因是電線走火，可能是沙發附近的充電器或拖板電線短路所致。陳反駁：「絕對唔同意！佢攞噴火槍點火，點會係自衛？」、「唔係佢用噴火槍點著我，我自動起火啊？」、「成間屋燒到變平地，呢個唔係火災，係被告蓄意點火燒死我！」
男被告孫崗旦出庭自辯稱，他與陳為「點頭之交」，自小認識但關係疏離，因陳欠款未還後已「唔當佢朋友」。孫指陳更趁他北上工作期間霸佔其住所，其後「賴死不走」，「一路霸住間屋，我叫佢走，佢又唔走，我又唔夠佢打」。二人多年來曾因居住問題爭執三至四次，孫曾報警投訴陳霸屋及亂搭電線，但因該未登記寮屋不受警方管轄而未獲處理。孫憶述事發時他在床上看電視，「睇到大火我就衝出去」屋外，不清楚陳為何會遭火燒傷，堅稱對起火及陳被燒傷的原因毫不知情。孫形容火災令他失去一切，「咩都燒曬⋯⋯錢包入面幾百蚊又無埋，存摺又無埋，身份證又無埋」，所有財物盡毀。
案件編號：HCCC30/2023
法庭記者：劉曉曦
