有港女光顧九龍灣一間中醫診所做針灸，收費5100元，其中800元為購買醫師所開的一隻藥物，她發現藥物盒上有簡體字，上網搜尋發現淘寶有一模一樣的藥，而售價僅20元。
女事主即向有關診所投訴，要求退款，對方回覆指因為「醫師心緒不寧畀錯（藥）」，但拒退款，事主透露更離譜後續如下：
九龍灣中醫診所疑$20淘寶藥收$800 被投訴稱「醫師心緒不寧畀錯」 事主爆後續更離譜↓↓↓↓
女事主在社交平台Threads發帖表示，日前去九龍灣一間中醫診所針灸，「埋單$5100，其中$800係個醫師叫我買佢個藥，佢仲話送多盒畀我。」女事主離開後，發現藥物盒上有簡體字，「咁我就上淘寶搵下，點知真係搵到仲要$20。」她指有關藥成份與淘寶藥「係一模一樣」。
她即私訊有關診所投訴，事主截圖顯示雙方對話，涉事診所回覆解釋說：「剛剛問了醫師回覆，佢話今日心緒不寧，畀錯咗。」事主表示：「我都係學生其實我冇好多錢，真係有啲太貴囉。」並要求「退返$800」。
「我知道老闆而家有Cancer」
診所初頭回覆：「退錢是沒有問題的，放心。」女事主說：「咁直接退錢吧。」這時，診所又說：「所以你要打畀醫師處理，我呢邊做唔到退錢。」
但女事主堅持退錢，這時一直與女事主對話的診所職員，又回覆說「心緒不寧畀錯」是他「自把自為咁樣講」，並且突然又扯到診所老闆患癌，「其實因為老闆對我好好，我知道老闆而家有Cancer，話畀錯其實係我自己講嘅。」
診所職員留口訊：點解你可以咁樣嘅？
該診所職員其後又回覆女事主指，有關藥物是他們在港藥廠「攞貨」，絶非淘寶貨：「你這一個是10粒？醫師說香港藥廠的是60粒的。」職員又列舉醫師的大量銜頭，最後揚言：「你要退錢隨便退。」並提醒「又送咗一個豐胸療程畀你，原價都要$4800，藥又畀咗兩盒你」。
女事主不為所動，最後仍堅持要退錢，她在帖文中說：「佢地個態度開始亂嚟，仲錄音講『你係高尚人咁樣話我啊？』，『我打份工唔係畀你Ｘ』，『點解你可以咁樣嘅？』。」
原送贈$4800豐胸療程 老闆指退錢要補返錢：我冇應承送
女事主最後直接私訊聯絡診所老闆，她指老闆回覆的態度不善：「嘩，個態度真係呢…」並從對話中知道原來開藥醫師是老闆的「阿媽」。
事主公開的對話截圖顯示，該診所老闆同意退回800元給女事主，但要求送贈4800元的豐胸療程要「補返錢」，因為「我係老闆，我冇應承過要送豐胸畀你」。
女事主回應：「我冇叫佢（指醫師）送。」她又批評：「撇開藥呢件事講，你哋嘅態度係咪都有啲問題呢？」
診所老闆稱藥物來自本港藥廠 絶非大陸貨：我有證據證明
該老闆反駁說：「我啲人我教出嚟好好禮貌」，對於女事主指稱淘寶藥，該老闆強調：「我哋喺香港藥廠拎嘅貨，唔係大陸貨。」「有證據證明喺香港藥廠，淨係醫生先可以買嘅。」他強調「行得正企得正」。
女事主在對話中投訴診所回覆混亂：「……話係畀錯藥，跟住之後又同我一大堆你哋嘅感情問題，我作為消費者，我覺得好疑惑。」
誰知該診所老闆竟回覆：「要唔要報警？我同你屋企人一齊去，睇吓邊個錯。」
女事主：個態度真係令到我好唔舒服
女事主在帖文中表示：「其實到後面我已經放棄叫佢地退錢，始終佢哋都真係攞咗證據畀我睇個藥係喺香港攞，但個態度真係令到我好唔舒服。」
她批評始終在診所消費了五千多元，「都唔係一筆細數目啊……作為商家咁嘅態度真係正常咩？」
部分網民自稱認識中醫藥物，他們留言指，有關藥物「都係某藥廠代理香港有得賣，都係賣緊$80蚊左右」「果盒香港註冊中成藥建議零售價68元」。
網民又質疑一次針灸收費5100元，是否過貴：「$5100咁貴？係咪買package針10次？」「但係你點針到$4300（扣除$800藥物）？整燒肉啲燒豬都冇你咁多針。」
來源：sunyinn_＠Threads
同場加映：港女中醫「暖宮」燙到肚留永久疤痕 入院確診燒傷 涉事中醫回應「好遺憾」願賠500蚊↓↓↓↓
