張繼聰、謝安琪及伍家謙等今日（8日）出席活動，眾人在會上分享親子心得。張繼聰與謝安琪一起受訪，謝安琪的眼睛爆紅，她解釋是拉筋拉爆微絲血管，已康復很多，但就被在旁的張繼聰笑指她初期似喪屍。提到分享，張繼聰指18歲的兒子張瞻已叫他不要放自己上網，最好當他隱形，因同學會有很多評論，身為爸爸的他也明白，因自己雖是童星出身，但青春期也不喜歡展露人前，所以當時沒有拍攝。
張繼聰稱有人邀巡迴演出
兩人將於下星期以夫妻檔在澳門合體開騷，問到準備的進度，張繼聰表示已準備了幾十年，又謂有很多人問以前不開，為何突然間做這個騷，指一起開騷這問題俾人問咗好多年，又坦言10多年前自己會主動地避免：「佢（謝安琪）喺樂壇嘅地位非常之崇高，嗰時成日啲人都覺得我靠老婆，嗰陣後生，男仔係有自尊心，但經過十幾廿年後，我諗真啲，係啱，我真係靠老婆，如果冇咗老婆真係乜都搞唔掂，做人都做唔到，所以呢個關口就突然間衝破，同埋覺得遲咗，覺得應該要早多十幾年就靠老婆多啲！」他又指很開心的是可以在家中綵排，並謂最初公布開騷的時候，看到大家的反應也很受寵若驚，也收到很多地方邀請去當地巡迴，但因為兩人各自也有自己的音樂計劃，但若有機會也會希望可做。
謝安琪暫時爭唔贏紅館
至於謝安琪就笑言最方便的就是可以在家中綵排：「係幾開心，有邊個夫妻活動係食完飯飲啖水就開始練歌，我覺得係健康同增進感情。」她又指入行20周年的活動是會先到東南亞、美加等地做巡廻，最後一站才會在香港，自己最想在紅館開，也已申請紅館檔期，但暫時爭唔贏：「前輩講而家申請紅館要俾兩年時間，所以我幾有信心下年應該到我。」
張繼聰表示自己也容易敏感
近日傳出欣宜與環球簽約復出，跟她相熟的謝安琪表示兩人很久沒聯絡，但若對方再唱歌，無論簽任何公司自己也會開心。另外，提到郭柏妍因食物敏感搞到面腫入院醫治，張繼聰表示自己的皮膚也很容易敏感，有時拍完戲會搞到周身爛，所以也希望郭柏妍然後飲食上小心。
