有馬鞍山公屋寬敞戶於申請後1個月，極速獲原區調遷到海景單位，配房速度快到連住戶自己也嚇一跳，並興奮自爆這次大屋搬細屋還有多項大優惠，引得網民羡慕地連番恭喜。詳情見下圖及下文：
馬鞍山公屋寬敞戶 極速調遷海景單位逐張睇↓↓↓↓
免3個月租送單頭煮食爐
樓主昨日（26日）在facebook群組「公屋討論區 – 香港facebook群組」上載新居相片發文報喜，指「寬敞戶首派一人單位，上手靚裝保留，免3個月租金，遠眺科學園海景，開心過中六合彩！煤氣公司送單頭煮食爐」。
樓主並順帶作出「溫馨提示」，指「入伙前要交一個月按金 + 兩個月租金！」，並提到「煤氣熱水爐喺廚房，沖涼唔怕中瓦斯（氣體）毒，廁所有落腰大窗口唔係黑廁！鹹淡水管全部在外牆唔怕爆喉水浸屋！」。
在回應欄，樓主細心回覆網民提問，從中進一步透露更多調遷細節，綜合情況如下——
•老豆釘咗一人住兩房單位呀！初入伙時4人！最後剩番我一個！屋邨主任打電話叫我申請呀！
•係屋邨主任知道我老豆釘咗，冇耐即刻打電話同我講要申請寬敞戶調遷。交回表格大約1個月多啲已經有第一次安排！
•係屋邨主任要我申請調一人單位。寬敞戶調遷申請1個月搞掂！…..我都嚇一跳！
樓主屬大搬細的寬敞戶，即人均居住面積超過指定呎數上限。調遷為原居安置，由附近的恆安邨搬到頌安邨，由近40年樓齡（住3樓）轉成廿幾年樓（住3樓）。頌安邨位於港鐵馬鞍山站和恆安站附近，樓主遷入的單位面積約115平方呎，每月租金約1600元。
相關閱讀：將軍澳寬敞戶原區調遷 寶林邨住客糾結新落戶地點 網民年半後追問去向 事主咁答……
樓主：上手呢頭裝修嗰頭抽中綠置居
回應的網民恭喜之聲不絕，又表示「頌安好吖，有一個大商場，行去恆安站或馬鞍山站都方便」、「正喔，有海景，私樓都未必有」。
不少人更對上手的靚裝修大感羡慕，稱「地台、地磚都唔使做，又可以慳返啲」，更大讚個地板立立令。樓主則興奮地透露「上手呢頭裝修嗰頭綠置居抽中！即只裝修了半年，「慳番好多錢，可以即住！」。
另有網民好奇樓主「唔買返原本住開嗰個單位？（編按：恆安邨屬 「租者置其屋計劃」屋邨）」。樓主坦言擔心日後需負擔維修費，「反問40年樓齡$440000你買唔買？」，並明確表明「我都想搬去另一度喎」。
根據房署有關公屋「寬敞戶」的調遷資料，「租戶在承租單位後，若因家庭成員遷出、離世、結婚、移民等原因而刪除戶籍，使餘下的家庭成員享有的居住面積超逾既定的編配標準，便成為『寬敞戶』。現時租約條文已規定，倘成為寬敞戶，租戶須遷往房委會認為居住面積符合其家庭人數的公屋單位」。
資料來源：Billy Hui＠facebook
相關閱讀：1人輪公屋9年上樓 入伙獲房署送2件禮物 網民：咁快派到？事主咁答↓↓↓↓
有單身男輪候1人公屋9年，2024年上旬獲派青衣一間150呎的新建公屋，他在社交平台發帖，分享喜訴，更透露入伙時，獲房屋署送贈2份特別禮物，事主大讚很貼心。有網民問1人輪公屋，排了9年便輪到，「點解咁快？」事主作了以下回覆↓↓↓↓
