劉德華最近和最佳拍檔導演邱禮濤再度合作，首次拍攝商業罪案片《獵金遊戲》，華仔表示拍這題材是和市民息息相關。他和兩位女主角倪妮、黃奕擦出不少火花，笑言非常享受：「我不嬲嗌交都好叻，但我天生係談情嘅。我現實生活中唔係好識，一拍戲就大情人上身，倪妮會畀我一個好舒服，好好嘅環境，佢會令到我好自然咁墮入愛河！」
劉德華diss邱禮濤舊作
早前鄭則士提過如果學做人，一定要學劉德華，邱禮濤亦非常認同：「之前我哋合作都係斷斷續續，到咗大約2016年，開始合作無間，我覺得佢一日一日咁長大，人就越嚟越好，如果以前係8分好，而家係10分好。我覺得佢而家嘅事業，就係我要做個好人！呢個係佢嘅使命。呢行好多明星都會擺明星款，佢一定冇。」華仔續說：「我由《無間道》就開始『我要做個好人！』呢件事，我覺得只要對人好，自己條路自自然都會順暢啲，做人都會開心啲！」他又透露曾經被人出賣：「嗰次畀人出賣，由嗰一刻開始，我就覺得佢係一個壞人，我一定要同佢計較。我下下算住佢！但耐咗就諗，算啦！自己嘻嘻哈哈，唔好同佢計較，最低限度，佢都冇害到你，最多都係皮外傷啫！」邱導亦贊同這種是成熟的表現，要高層次的人才可以做到這樣。
合作無間的兩人，亦認同是對方的貴人，華仔對導演好坦白：「之前佢有啲戲都拍得唔太好，我真係咁同佢講，呢個人又真係好幫我，就算我Budget得10蚊，佢都會幫我拍。」而邱導亦覺得劉德華是自己貴人：「講真，我呢世人都冇乜大成功，直至2017年開始，《拆彈專家》、《掃毒2》，就係遇到劉德華嘅時間，相對地紅過，所以絕對係互相嘅貴人。」
劉德華和邱禮濤再度合作，日前兩人接受HOY TV訪問。
邱禮濤、劉德華近年合作無間，互稱貴人。
關於《獵金遊戲》，華仔︰「我唔玩股票，但都好影響我哋嘅進度，可能近排股市唔太好，投資老闆都唔太願意聽我哋啲電影故仔咁！」
邱禮濤盛讚劉德華是10分好人。
華仔在《獵金•遊戲》扮演股票分析師，運籌帷幄，仲同倪妮墮入愛河。
《獵金•遊戲》以金融騙局為背景，踢爆陰謀。
華仔一頭白髮的霸氣造型，原來是邱禮濤的意思。
