由林保怡、陳法蓉、張振朗、傅嘉莉和陳自瑤主演劇集《刑偵12》昨晚（19日）首播，今次是林保怡相隔13年重返TVB拍劇，當然是外間的焦點，在網上惹來不少熱話，有網民笑言，林保怡與十五年前演出《讀心神探》時完全沒有分別，凍齡程度令人嘩然：「林保怡個樣點解好似冇變過」、「林保怡個樣咁多年都係咁」、「林保怡 keep 得好好」；更有網民大讚只要林保怡一皺眉，濃濃的戲味就滲出來了：「林保怡好入戲，表情神態好自然」、「佢一皺眉就有啲嘢」。
刑偵12丨「班花」李海銅開場極盡視覺震撼
不過在首集甫開場已極盡視覺震撼，鏡頭前先出現一個衣衫襤褸的妙齡少女在街頭遊蕩並曾暈倒在馬路上，原來背後涉及非法禁錮及人口販賣的案件，涉案者則是希業集團長孫「傅一鳴」丘梓謙，負責調查案的刑警，分別是已被調離調查範圍的西區重案組督察「刑凱」張振朗與及總區重案組警司「丁洛風」林保怡，而這個妙齡少女是有藝訓班「班花」之稱的李海銅。
相關閱讀：刑偵12丨前首席花旦驚喜現身？林保怡肉搏張松枝「零錫身」緊抱陳自瑤做一事畫面極震撼
藝訓班「班花」李海銅演出令人驚訝：
刑偵12丨李海銅修長身形晒白滑長腿
原來這宗涉及非法禁錮及人口販賣的案件，被禁錮的不止李海銅一人，而由於李海銅對丘梓謙有不可分割的依賴，故當初她逃脫禁錮之地亦非出於自願。雖然李海銅仍是新人，但不止佔戲頗重，演出亦有發揮，除了衣衫襤褸造型夠晒搶，她在醫院情緒激動地默默垂淚一幕，亦演得恰到好處、我見猶憐；李海銅「瞓街」的片段播出後，李海銅修長身形兼白滑長腿相當吸睛，不少網民對李海銅大表好奇。
刑偵12丨李海銅聽張振朗把聲喊到收唔到聲
李海銅被救出後，在醫院被張振朗盤問的時候，眼神空洞兼無助神情，實在我見自憐。談到醫院落淚一幕，李海銅坦言除感激兩位監製佳導（鍾澍佳）及巢導（巢志豪）的循循善誘外，亦很感激張振朗的超窩心照顧：「佳導同巢導好好，因為拍嘅時候其實我只係入咗行兩年左右，經驗唔算多，所以佢哋每一場都會同我講解得非常仔細，亦都會好耐心tune我，亦都會畀足夠空間同時間我培養情緒。」李海銅還表示最想多謝張振朗：「我第一日開工就係拍醫院嗰2場情緒戲，因為經驗唔多，所以拍之前我一直都好戰戰兢兢，好驚自己喊唔出。振朗好好，佢陪我排咗兩次戲、run咗幾次對白之後，我就好有feel，之後一roll機聽到，張振朗把聲，我就喊到收唔到聲。就算唔係拍緊佢嘅鏡頭，佢都畀足對白同語氣我，佢真係好照顧新人。」
相關閱讀：刑偵12丨林保怡相隔13年重返TVB拍劇 跟陳自瑤演情侶想加泳衣戲 陳法蓉想再挑戰爭視后
刑偵12丨精彩預告逐格睇 ：
李海銅暈倒馬路中心逾百人圍觀
至於劇集開頭的「暈倒馬路」戲，李海銅笑言拍攝時其實是分秒必爭，整個劇組需要於兩小時的限時內完成拍攝：「呢段戲好難忘，因為當日係喺weekday返工時間朝早8點至10點拍嘅，當時元朗大街好多車同人，我諗有超過一百人圍觀；我着住嗰件衫行出去其實已經好矚目、更何況要暈低。」李海銅還說：「嗰日佳導巢導計好晒嗰幾條行車線、同埋兩條輕鐵路軌會有一個時間係會一齊綠燈，大概幾十秒左右，佳導當時同我講我要喺呢幾十秒內盡情做戲，然後喺佢大叫：『暈低！』時，我即刻配合暈低就得，嗰吓真係好緊張，個心就嚟要跳出嚟。拍完非常有滿足感，因為喺人生唔會有機會試到、可以攞正牌霸住幾條行車線出街訓！」至於襤褸裝，李海銅笑言落妝比上妝更花時間：「我要沖兩次涼，因為全身要攞落妝油洗完一次之後，再用洗面奶洗，然後再用沐浴露。」
李海銅撞樣前TVB小花李思欣
李海銅擁有圓圓大眼，高挺的鼻樑，長長秀髮，某些角度更與「宅男女神」李靜儀（Heidi）有幾分相似，還與前TVB小花李思欣撞樣。但其實入行已經有一段時間，2021年曾參與ViuTV單元劇《YOLO的練習曲》，到了2023年，李海銅修讀第32期無綫電視藝員訓練班，當時有「班花」之稱。李海銅加入TVB後，她曾出演《新聞女王》、《本尊就位》、《痞子無間道》、《非常檢控觀》等劇。早前李海銅在《逆天奇案 2》第7集初登場，雖然只有數秒鏡頭，甚至連一句對白都沒有，不過她的仙氣樣已成功俘虜網民心。
