曾智華
睇特朗普講\u5622，只要唔好認真，就會好大享受，因丁友充滿娛樂性、荒謬性、無賴性、破壞性、頑童性、古惑性、心虛性、死頂性、面懵性\u22ef\u22ef真係識寫字的都可以為佢出本「亂\u564f自傳」。
我肥碌更提出睇多一種特性——小學雞性。
記得讀小學時，同學仔好喜歡呢個告佢，佢又告佢，總之有乜依郁就舉手告比老師聽。
小弟就讀聖若瑟書院，男校，上世紀六十年代體罰閒過立秋，個個皮奀肉韌，男教師又暴力成性（真\u35ce，當年冇問題\u35ce，因連校長都可能如此），有的用藤條，有的用竹枝，有\u5572簡單，靠赤手空拳就兜巴星，兜後腦摑及兜牙骹上勾拳。
六十年後今天講起，是否很難以置信？
講返你告我、我告你，有一位狠辣老師最叻處理，凡有「原告」或「被告」，一律不問過失，先是全部喝令企出排成一行，個個伸手板出來，先捱一藤，唔准縮，縮就打多\u5622。然後開始「查案」，問究竟單\u5622關邊個事？
起初個個死頂，幾大話「唔關我事」，於是辣手Sir又人人再來一鞭。終於三幾個開始坦白，供出「真兇」與「同謀」。結果，多數是先告人的是「真兇」。
諗起呢個歷史場景，因天天睇新聞，最搞笑為狂特及佢所有幕僚，都有個慣性口頭禪：一切都是拜登的錯。成個政府，就是一個「賴政府」，而領導者就是「賴朗普」。
一直以來，美國的優良政治文化，本來強調承擔與傳承，一旦你上台，就正是——關唔關你事都關你事。
若你\u5413\u5413都卸膊，話乜都唔關我事，咁賴皮，以這種作風領導，有人睇得起你或尊重你至奇。
偏偏當今世界最大權力「條友」正正係咁，美國前景何其該煨？
