有重返外賣行業的港男大呻做步兵辛苦，幾乎超出體能極限，「腳痛到行唔到」。有行家於是以自己的彪炳戰績——朝11晚12日日5萬步，來鼓勵對方繼續努力。但有人提醒各人體能不同，要量力而為，並傳授減輕步兵勞損的秘技。詳情見下圖及下文：
外賣男呻做步兵腳痛到行唔到 「神行太保」自爆驚人戰績逐張睇↓↓↓↓
相關閱讀：外賣員靠呢樣「神器」 輕鬆企理單手拎起Ｘ袋外賣 網民看穿蹺妙之處
樓主早前在facebook群組「香港外賣及速遞平台綜合交流群」發文大呻——「小弟不才，體力有限，重返外賣行業因為無車嘗試做步兵，結果無幾日就全身酸痛，今日想再上線結果腳痛到行唔到，休息半日算，真心有人真步full time（全職）？一日行10個鐘？」。
網民獻計善用共享單車
有網民稱「做過兩星期，每日2萬至5萬步，視乎單量多少而定，但得一次5萬步，之後轉踩單車，輕鬆好多，你都踩啦」。樓主回應指「單車送過，屋企擺唔到單車，要搵泊車位先」。於是有網民獻計「共享單車可以幫到你，幾時想踩，邊度踩都ok ！好多人送外賣都用佢，又唔怕俾人偷」。
網民並強調「一定要工具，最少要部自行車，行不到更多，車上車落」、「有時要飛的去送餐，唔好刻薄自己」、「建議有啲搭下車，我做荃灣同天水圍」。對於樓主的體力不繼，網民還集氣傳授減勞損大法：
•你身體未慣，拉多啲筋就會好；
•除咗體力之外，一對舒服嘅鞋都好緊要；
•開工嗰陣時用腰封，保護條腰，用護膝保護個膝頭；
•師兄應該每天收工之後呢，用自己嘅方法去舒緩兩隻腳嘅疲勞，咁第二朝就唔會腳痛；
•裝備好緊要，我著輕量嘅行山鞋，保護好對腳；夏天芭蕉扇，收工後拉筋、按摩、浸吓腳，我只係行2萬步；
•其實行路，最多人忽略嘅係，就係對鞋，唔好以為波鞋軟淋淋好舒服，根本香港天氣路滑，好容易急急腳就容易跣倒，唔會防水。我就會揀短boot（靴）爬山鞋，最重要係防水防跣。
相關閱讀：70歲婆婆將軍澳做外賣步兵 買餸車送餐「做一事」超細心 網民大讚：肯定乾淨！
樓主意興闌珊：打算放棄步兵了
但樓主卻意興闌珊地表示「打算放棄步兵了，等有電單車或者單車再返來玩下」。於是各大「神行太保」繼續留言鼓勵「6年都未投降」、「我每日行12個鐘」、「基本都是5萬-6萬步」、「我73歲，每日3萬步起跳」。另有人稱：
•我真步，日日早11晚12，日日50000步＋，中間會停半個鐘食飯，唔需要讚我勁，只要夠窮，你都可以做到；
•小弟真步全職，平均每日10個鐘，4萬步左右（約30公里）。做唔到就唔好勉強，畢竟每個人嘅體質唔同，我做到唔係我叻，只係我嘅身體可以應付得嚟，攰、腳痛呢啲就難免嘅，最緊要保護好自己對腳。所以啲人話有手有腳個個都做得，其實唔係㗎，做3幾日就得，長期做就因人而異。
不過，也有人提醒「好多其他工種一樣會有職業病，就算做文職都一樣有，最重要係揀適合自己嘅工作」、「有朋友行12，每周6天或做足，做足7年。因人而異，有人身體係唔得咁行」。
網民：體力唔好去做保安
有人認為樓主的體能「弱咗啲」，反問「寧願做傷身體都唔想方法另找出路，香港得外賣一種工咩？」，於是有網民建議「體力唔好去做保安」。
有人連隨和應，「每日兩個鐘真步還可以，所以佩服全職真步。利申：40歲女人」、「如果唔拎嘢慢慢行，行足全日都得，但做得就梗係想快，拎住重嘢急步行，體力會好快消耗晒，身體差啲真係會頂唔順」、「我真步咗半年真係投降。腰到腳板底晚晚痛到瞓唔到」、「老實講做保安好過，起碼有條career path（職業路徑）」、「對，有薪假，部份公司有醫療福利」。
相關閱讀：南亞外賣員長沙灣瘋狂掟餐 禮貌取餐後突發爛渣：「你同我玩嘢啊！」原因耐人尋味↓↓↓↓
網絡早前瘋傳有南亞裔外賣員在長沙灣一間海南雞店，禮貌取餐後突發爛渣，在店外瘋狂掟餐，撒滿一地，原因耐人尋味。現場的CCTV片在網上瘋傳，全過程如下↓↓↓↓
