一名單身中年女子近日被同事爆料，指於2021年摸頂以$500萬買入一間面積約200多呎的單位，貸款30年，供樓供到近80歲。對於這位中女的高齡上車，網民大多不甚理解，認為做法傻豬，但原來事主有著一個令人心酸的淒涼原因。詳情見下圖及下文：
單身中女因一淒涼理由置業逐張睇↓↓↓↓
樓主近日在社交平台Threads發帖，指「今日在一向好安靜的office（辦公室）突然有人情緒激動咁大叫」，於是引出該名中女的故事——
樓主續指，「嗰個人係50歲度的女同事，大叫原因係工作同生活壓力太大。（老闆知佢供緊樓，等錢使，而且年紀大，唔會離開到間公司，所以俾好多workload（工作量）佢）。
之前同過女同事傾計，知道佢在21年將自己8成身家高位入手差唔多$500萬的200幾呎單位，貸款30年，即係佢要供到80歲。問佢點解得自己一個人住都要買樓，仲要供到80歲？女同事話當年紀再大啲，6X歲，係好難租樓。
好多業主會怕老人家將間屋變兇宅而唔放租，所以女同事就寧願將副身家用嚟買樓以免將來冇屋住。如果係我，我會寧願租內地樓，去香港返工，都唔會將副身家買樓，而家樓價仲愈來愈低，買完即時負資產。其實大家係佢，又會點做？」。
相關閱讀：坐擁80萬身家 月入2.27萬打工仔豪言儲夠錢：以後花光人工歎世界
樓主：女事主認為樓價好快回升
回應的網民對中女事主的背景都相當好奇，樓主回應網民時透露更多細節：
•網民：65退休仲點供？
樓主：我覺得佢冇諗到呢樣，正常諗到呢樣都唔會咁傻去買。
•網民：但……問題係佢退休之後冇糧出都係供唔到，都係冇屋住㗎？不過又咁講，呢啲老姑婆有可能好有錢，唔係銀行都唔會借俾佢。
樓主：女同事係1997年前入銀行做，咁多年都冇走過，所以佢退休會有一筆豐厚退休金。
•網民：辟價放，返大陸住。
樓主：女同事仲係天真認為樓價好快升返，到時升咗再算。其實樓價跌，借錢利息又高咗，佢已經要星期六日都做part time（兼職）先夠俾。
•網民：如果係真，真係好慘。如果繼續落去要做到80歲，我索性唔供等破產算。
樓主：所以個同事係咁俾主管蝦，不停俾屎佢食，就係貪佢走唔到。佢真係慘，唔明點解要供樓咁傻豬。
網民：最慘就係退唔到休，仲要做到80歲。帶晒啲財物走，交返條匙俾銀行，返大陸過日子搵一日用一日好過啦。
網民和應：年紀大好難租屋住
對於女事主因為「女同事話當年紀再大啲，6X歲，係好難租樓」而決定上車，有回應的網民深表認同，稱：
•「年紀大的確好難租屋，呢種情況買未補地價居屋可唔可行？」。
•佢其實只係唔好彩買正喺高位咋喎，佢嘅諗法冇錯㗎喎，依家50歲咁2021年即係佢40中啦，呢個年紀有儲蓄而且通常人工ok，就算借足30年多數都係供多10幾年就供完㗎啦，退休咪啱啱好唔使供囉，到佢退休如果冇層樓喺手又租唔到樓仲慘啊，仲有唔好以為大陸租樓易，咪同香港一樣唔租俾老人，而且兩地生活習慣又唔同，到退休都老啦，又要重新適應生活，就算當依家50歲上去住，來回通勤啲時間咪又係錢，我覺得你同事當年冇落錯決定喎。
雖然如此，但仍有不少網民追問女事主「點解上到會？」、「65歲後點供？」、「有銀行批到佢30年咩？」、 「點解按揭俾佢做到30年？」、「做銀行，50歲先買樓，咁奇怪？」、「銀行點會俾佢供到80歳，壓測都過唔到啦」、「吓！咁年紀、條件單身女人，5球幾買200幾呎，邊間銀行仲肯同佢做30年按揭？ 」。
網民：其實都幾淒涼
網民同情女事主之餘，還毫不保留地發表自己的一番意見：
•其實都幾淒涼，看起來算中產，一買屋就變負資產，唔買又要捱貴租，好容易理解！如果是我就唔買啦！就算租$7000-$8000蚊的樓，佢嘅收入都足夠俾，身家就算做定期或者其他仲可以有收益，分分鐘周圍去旅行都得，如果工作地點近深圳，租內地樓就更沒壓力啦！
•如果我已經50歲，我會辭職唔做喺屋企hea，同去申請公屋，用餘下嘅錢租20年屋。20年內一定上到公屋吧，到時都70歲，就住公屋住到死吧。
•其實可以買內地中山、惠州樓，最多10年後供完，退休返去大陸住，點解一把年紀都咁唔識⋯⋯
•咁佢都唔抵幫，我係佢租住先，之後寧願返深圳又好，去東南亞又好，根本過咗40歲又知自己唔會有大發展，就唔應該負債咁多。
•退休應該搵安老院／公屋，rather than（而不是）孭住成身債，要還到80歲
•真係好慘呀，返工真係唔好講私人事，困境唔會有人體諒，隨時遇到呢啲Ｘ街仲俾人剝削欺凌。
另有不少網民認為女事主「錯在高位入」，直指「入錯市，200幾呎，真係放出去$300萬都唔知有冇人要。ps.（補充）千祈唔好同腦細講要供樓，好Ｘ街食硬你」、「就算佢買香港樓都唔係錯，佢錯在買咁貴啫。有村屋又大西北嗰啲蚊型單位，都唔使咁貴」。
網民：唔買都買咗咯
說到入錯市的問題，網民大肆議論本港的樓市：
•$400幾萬買大西北，$500幾萬仲要200幾呎，傻的嗎？
•唔買都買咗咯，仲可能係負資產，趁有工作收入，繼續供喇，根本無得揀，希望供多10年8載，唔再負資產，咁可以賣咗佢，搬去平啲地方住，或者做逆按揭。
•從來買樓對99%嘅人係一個影響一生數十年嘅財務決定，香港人就好似買菜咁隨便。以前就發達，而家就基本上冇咗一生。
•我啲親朋戚友喺20年同21年都好多都買咗樓 ，以家都唔敢同佢哋討論個樓市呀。
相關閱讀：22歲港女何文田買1千萬樓 隱形富二代「一原因」拒靠父蔭：「我仍要孭15年房貸！」↓↓↓↓
22歲的港女「盈盈」2023年仍讀大學四年級，但已在何文田買下一千萬元的單位，更在旺角開設一間4千呎的足浴店，單裝修便花了二百萬元，現已有盈利。盈盈2023年底被網紅訪問，這名商科大學生年紀小小，竟然已買樓開店，迅即成為網民矚目焦點↓↓↓↓
