港鐵站售票機突變老虎機？有網民日前在旺角東站一售票機入10蚊紙後找贖，竟然吐出一座5毫子山。網民驚訝「入$10出咁多錢？」，形容這是「發夢時嘅情境」，如「老虎機中Jackpot（大獎）」，並興奮目測吐出大堆5角的總數。詳情見下圖及下文：
旺角東站售票機入10蚊紙找贖 吐出成座5毫子山逐張睇↓↓↓↓
樓主5月5日下午2時26分在社交平台Threads以「港鐵買旺角東去大圍嘅飛，入咗10蚊紙幣結果找咗咁多錢。（有攞返俾客務中心）」為題，上載相片發帖。相中見到售票機的找續位置有大堆5角，另一張是雙手拿滿5毫子的相片。
對於有人留言「其實，有冇可能係前面全部客都冇拎找錢，所以個兜儲到咁多？」，樓主反問「有冇可能係我望住佢跌咗咁多錢落嚟嘅？」。
網民讚樓主誠實
有網民讚樓主誠實，指「因為周圍咁多cam（閉路電視）真係要找取走嘅人不難」、「1. 嗰度一定唔只10蚊，部機應該係壞咗；2. 一定要拎番去，唔係當咗你偷就大檸樂（依家通處都係cam，千祈唔好博）」。另有回應的網民數口精，指「旺角東去大圍$6.7，入$10應該找$3.3。點解咁多個5毫？」，笑言：
•「推銀機中咗大獎」、
•「第一眼以為推銀仔」、
•「老虎機中Jackpot（大獎）」、
•「其實係你中獎？中咗3個7？」、
•「未睇字以為你中咗Jackpot」、
•「你呢個其實係咪冒險樂園推銀機？」、
•「全5毫？冒險樂園嗎？好少咁找㗎喎。
有人形容這是「發夢時嘅情境」、「現金回贈」、「有網民目測」、「呢度起碼有50蚊」、「呢度最少有$50」。不過也有網民正經地指「機器失靈？」、「部機傻咗？」、「佢個嘢壞咗」。
相關閱讀：好人難做？將軍澳商場門口執到大疊人民幣 好心港女以為阿嬸跌錢 一原因越問越走
港鐵：售票機找續功能出現異常
港鐵回應《星島頭條》查詢時表示，根據記錄，5月5日下午約2時旺角東站一部售票機的找續功能出現異常，車站職員收到乘客反映後，已即時安排工程人員跟進，其後已回復正常運作。
另有回應的網民湊熱鬧，憶述相似舊事：
•我都試過找多咗十幾蚊，不過無你咁多5毫；
•之前見過個售票機jam（堵塞）飛（聽職員講）買一張飛出咗40張；
•中學嗰陣試過用1蚊雞玩汽水機，玩玩下佢跌啲2個5蚊落嚟 。
•大約30多年前，我試過在街邊電話亭打電話，入了1元，因打不通掛回耳筒，竟跌出多個硬幣——1元、2元、5元也有。這時我也貪心，再入錢再掛耳筒。來來回回數次，結果好似得到60多元。當年中一的我己覺很多錢。（不過人成長了，知這是不對，不要學）。
資料來源：cc__1111____＠Threads
相關閱讀：觀塘乘客豪擲古董錢幣搭車 收藏家：值2萬元一枚 小巴公司竟因一原因拒收↓↓↓↓
時光倒流。早前有小巴乘客竟然使用有幾十年歷史的貨幣作車資，被小巴公司圖文並茂貼告示，以因一原因為由表明拒收。識貨的網民則爭相留言指舊貨幣「值錢」，用來搭車好比倒錢落海。
對於有人豪擲大推5仙銀仔（俗稱「斗零」）搭車，網民恨得牙癢癢，揚言「好想要」，甚至要「大量收購」，有人妻更加留言稱「我99（奶奶）前排話，她朋友講一個5仙值$2000」。而在兩年前，更有收藏專家指1964年的5仙市面炒價高達2萬元起。
乘客豪擲「斗零」搭小巴逐張睇 ＋ 網民Ｏ嘴回應↓↓↓↓
