昆蟲入耳實在是超驚嚇的慘事。一名港女早前在社交平台Threads上載相片發帖，憶述半夜有蟲入耳勁痛而搭的士去睇急症的驚險經歷，崩潰地形容當時好似有嘢鑽入個腦，並聽到呢樣怪聲。網民聞之色變，有人嚇到打冷震。詳情見下圖及下文：
蟲蟲入耳勁痛睇急症港女崩潰逐張睇↓↓↓↓
樓主指出，「中學嗰陣有晚凌晨瞓瞓下覺一邊耳仔勁痛，以為係耳屎。之後叫醒我老豆睇下耳仔入面，佢照嚟照去都睇唔到有嘢。但我真係痛到瞓唔到，我老豆以為我想詐病唔返學，之後我就坐喺廳喊。
我哥咁啱落樓去廁所見到我坐喺度喊，問我咩事。我就話耳仔好痛，卡卡聲，之後就帶我坐的士睇急症。喺的士嗰陣我以為我係平時戴耳機太大聲，耳膜穿咗仲發誓我以後聽歌唔會再咁大聲。
去到醫院坐咗幾分鐘，個姑娘一照就話：阿妹你耳仔有隻蟲。嗰刻內心已崩潰。坐多幾分鐘就到我見醫生，醫生一望就話：嘩你個隻蜈蚣嚟。內心崩潰到喊晒口。之後唧咗啲水入耳仔，隻蜈蚣就飛咗出嚟了。個醫生同我講如果佢再爬入啲，穿咗耳膜嘅話就可以人生拜拜了。
依個經歷我畢生難忘，因為真係超級痛，本身蜈蚣啲腳就好硬，仲要多腳，個感覺好似有嘢鑽入個腦咁，卡卡沙沙嘅聲」。長文講述經歷後，樓主附上「飛咗出嚟的蜈蚣」相片。
相關閱讀：「大埔名物」破殼成蟲 「青提」蟲卵驚變「珍珠」 孵化前一刻突然轉色
網民：諗下都打冷震
回應的網民奇怪「原來蜈蚣識飛？」，樓主澄清：「唔係識飛呀，係唧咗啲水入耳之後，隻蜈蚣彈咗出嚟，好似飛出嚟咁」。 有網民抱懷疑態度指出，「你圖片嗰個係千足蟲唔係蜈蚣嚟㗎！雖然佢哋都有好多腳，但起碼千足蟲無毒」，另有網民估計樓主「應該係住村屋多」，建議「安裝蚊網買定殺蟲水」。
樓主及後補充：「好好彩我哥凌晨3點去咗屙尿，如果唔係我都唔知點算」，回應的網民都和應並大讚「你阿哥救咗你，抵請食飯啦」、「你都好在有你哥哥幫到你」、「好彩你阿哥有帶你睇醫生」、「好彩你哋當機立斷去急症」、「多得你阿哥！ 當時簡直係英雄！」。
另有人問及樓主父親事後的反應——「想問你老豆知道後有咩反應？好彩有你哥咋，最後有冇話你阿爸？」、「你阿爸差啲害咗你，佢知你冇講大話有咩反應？ 」。樓主載上對答載圖回應：「無話佢呀，我爸都有道歉，最後無事」、「佢後尾有道歉，但我無怪佢，因為佢都唔會估到真係蟲咁誇張」。另有人好奇樓主「最後有冇返學？」，樓主也上載截圖回應，指「無，返去繼續瞓」。
對於圖片懷疑附有血跡，網民都大感震驚，指「有血」、「嘩！ 仲有血㗎」、「有血，好慘，我一定會好崩潰」。有人驚呼「嚇死人咩」、「好得人驚」、「睇到好驚」、「諗下都打冷震」、「好彩無事」、「好彩你最後冇事，但真係諗到都起毛管戙」。
相關閱讀：天水圍漫天飛蟲如天降豆豉 貓咪撲窗邊好緊張 網民：咁誇張？
網民自爆耳筒耳塞入耳經歷
因應樓主的經驗之談，於是有人想到「以後塞住耳仔先瞓覺」。不過，有網民同時也自爆涉及耳筒和耳塞入耳而需求醫的經歷：
•雖然唔係蟲，但我都試過戴耳筒嗰陣，個耳筒最出嗰層入咗落耳到，然後返到公司上司同事都話幫我照過都係睇唔到，最後收工去睇耳鼻喉科，個醫生10秒就幫我拎番出嚟，有埋醫保都收1660元。第2日上司問我收幾多錢佢哋個個都話貴，嗰次之後我就轉咗用耳機，頭戴式嗰隻。
•上年第一次瞓醒發現有一邊耳仔聽唔到嘢，又有嘢梗住咁，醒咗之後有啲驚唔知咩事，然後發覺因為環境太嘈要戴耳塞瞓覺嘅我，檢查下個耳塞，原來佢哋個尾有粒的，可能用得耐粒的斷咗喺耳道，拿拿臨返工前去搵醫生，家庭醫生都話驚搞唔到要我去急症，好彩醫生幫我搞掂咗。
資料來源：hailey.ee_＠Threads
相關閱讀：港女外賣例湯食出手指長蜈蚣 投訴竟獲賠償「咁多」 事主：佢哋驚緊啲咩？↓↓↓↓
有港女早前透過外賣平台叫燒味雙拼飯，飲例湯時竟食出手指長的蜈蚣，她驚訝地說：「真係荒謬到我當時嚇到喊唔出……我覺得自己就嚟癲咗。」
事主表示，她其後報食環署，職員聽到食到蜈蚣，「佢都嚇咗嚇話『吓』，有蜈蚣啊？」事主向外賣平台投訴，先後兩次獲賠償，以下為事件詳情↓↓↓↓
