屯門公屋和田邨有居民懷疑在公共位置亂掉垃圾，甚至臨門一腳也不放入垃圾房，直接把大袋垃圾放於垃圾房門前。由於做法缺德，惹起公憤，懷疑遭街坊分別於「請勿棄置垃圾」通告和升降機旁，張貼指名道姓的大字報公審事主：「行多兩步使死呀？」。詳情見下圖及下文：
公屋居民亂掉垃圾惹公憤遭貼大字報公審逐張睇↓↓↓↓
樓主早前以匿名身分，在facebook群組「菁田邨 和田邨 街坊互助群」以「有冇人識得和田邨和喜樓Ｘ樓ＸＸＸ？」為題發帖，上載相片，當中見到懷疑有街坊以親筆寫下，貼於牆上指名道姓的投訴字句：「ＸＸＸ你呢家人！容忍度有限！行多兩步使死呀？」，以及攝於「請勿棄置垃圾」通告上，同一名字的藥袋。
相中和田邨物業服務辦事處的通告，以「請勿棄置垃圾」為題，指「本處發現有住戶經常將垃圾棄置於ＸＸ樓大堂。本處從即日起將對有關位置加強巡查，並在此特別提醒各住戶，此類缺德行為會被檢控及扣分。在此特別提醒各住戶，為人為己，請大家通力合作，共同締造清潔的居住環境。多謝合作！」。
相關閱讀：公屋垃圾房變二手派對房 疑自私住戶開完生日會 拮爆個波都懶
網民：自己日日經過都難受
因應相片，有網民指樓層的街坊們「用心良苦，翻垃圾（藥袋）搵真兇」。而回應的網民大力批評亂拋垃圾行為，指「自己住嘅地方都唔保持乾淨，蠢到隻豬咁，一陣咪自己日日經過都難受啦，蠢阿」。
有人自爆親身經歷，「試過正正常常掉包垃圾入桶，點知落完街買嘢返上嚟見到成包垃圾散晒，飲品盒、汽水罐、紙張，全部冇晒，其餘俾人掉晒落地」。另有人稱「我覺得正常人唔會咁掉拉圾，反而網上睇片有人好奇怪會攞拉圾房拉圾周圍掉，或者搵嘢搞到周圍係⋯⋯」。
相關閱讀：大批金莎朱古力棄屯門垃圾站 過期半年 網民睇中呢樣嘢想執
網民們續指：
•唔夠我隔離屋型，佢會將袋垃圾！掉喺自己門口；
•我隔籬行嗰個仲好笑呀！搣完個橙啲橙皮就咁攞出嚟呀，行出嚟喺個大垃圾桶嗰度，揼到周圍都係，你屋企冇垃圾桶㗎咩？袋都慳返？
•你住緊嗰座呢係咪得一個垃圾房㗎？因為我住嗰座呢戶數少，得一條巷嗰啲囉。就早嗰排咋嘛，有個女人呢就咁將用完有屎嘅尿片就咁攞去掉，咁啱又撞正，鬧完佢又冇下次喇。
有人以阿媽教仔式口脗留言「自己做好自己本份呀，成日都要人哋話，你咁大個人？」；有網民則建議「有證據報房署可以扣分」。根據房署的「屋邨管理扣分制」，亂拋垃圾，或胡亂棄置垃圾，可扣7分。
相關閱讀：城巴現真垃圾大字報公審公屋居民 斥「沒有教養的一群」「不要後悔無新車坐」 城巴：已展開調查
網絡瘋傳有城巴車廂出現成堆垃圾，並在旁貼有大字報，公審屯門兩間公屋的居民，大字報斥該些公屋居民，在車廂內亂拋垃圾，是「沒有教養的一群」「不要後悔無新車坐」。有關事件詳情如下↓↓↓↓
