上周日冠軍賽馬日，三場國際一級賽皆提供馬迷大量事後回味及討論空間。
首先是主席短途獎，「嘉應高昇」又再晨操般輕鬆贏馬，將另一短途王者「里見夢境」彈離。最冇癮為「驕陽明駒」，明明跑千二也是大超班，但就因有隻「嘉應高昇」，次次無法出頭，\u63fc心\u63fc肺。
相信全球馬場都好奇，「嘉應高昇」鋪鋪咁贏法，究竟潛藏有幾高？希望終有另一匹子彈馬，足以逼出佢極限，且看會否快過火箭！
冠軍一哩賽爆巨冷，「紅運帝王」九十倍勝出，肯定台前幕後完全冇人信佢有任何機會W，包括事後接受訪問的騎師布文，也一臉「不可思議」款。隻馬排十二檔，開閘就放。「咁跑法，似乎有點自殺式，點帶到返\u569f\u5416？」相信個個會咁諗。事實，呢隻馬過去跑二十八次，只在2023年元旦賽事，試過一次在千四米中放頭跑，結果也臨尾腳軟，只得第三。
今次面對馬王「遨遊氣泡」，大外檔狂放，擺明亂鬼咁跑。呢場最後二百米前，看台應該公論必快將腳軟收工。點知入到最後一百米，\u5413，未斷？人人擘大口得個窿，因「紅運帝王」竟將馬王頂到咳輸馬鼻。如此平磅賽事跑出九十倍大冷，簡直石破天驚，太難以置信了。
再到女皇盃二千米，小弟話明只買一二三號已夠，果然中。但冇癮在閘前九倍的「鍵琴高奏」，開閘一\u5622變三倍，頂！又再慘被打劫。
呢場最令人心痛為見到日本馬后「自由島」戰死沙場，點解？冇人知。只知佢剛剛月初在杜拜鍊\u5497場G1大賽，月尾又搏，有需要嗎？
今晚快活谷賽事，游達榮擺強陣，安排一千米王者「顏色之皇」出戰，熱到冇味，當然應有過關馬，睇布局，「時時精準」可能負此任務。
