做傳媒，有兩個市場，一為影響力市場，一為商業大眾化市場，兩個市場皆帶來廣告。
首先是影響力市場。眾所周知，香港傳媒千百，任何高官或大集團領導，皆不可能盡覽，於是只睇公關部的每日撮要及幾個/份重點媒體報章。這個，也分過渡前與過渡後，睇邊個/邊份，心照不宣。
其次是大眾化市場，易明，就是最多受眾的媒介，越多人睇，滲透力越強大。
香港馬經市場，長期為一比九十九，即一份英文馬經，N咁多份中文馬經，相當唔平衡。
馬圈，最重要的管理人，由總裁到不少部門主管、練馬師及騎師，皆外籍人士，講及睇英文。另外，如今香港已成「國際賽馬中心」，全球匯集彩池在此，即全球投注者皆需要資訊，這個市場潛質，你可知幾大。
簡單，明天的香港國際大賽，參賽馬來自英、日、法、愛、美及澳（洲），各地馬迷想知道騎練部署及睇法，資訊從何而來呢？
更甚，香港不少頂級騎練，以至應家柏及受薪董事，只講英文，而中文馬經，由記者到馬評人，十之七八英文皆有限公司，根本唔敢訪問，就算訪問都口窒窒，訪問內容點會有料到？
小弟專業傳媒，當然知道要 料，必須與對象混熟，齊齊「隊」酒晚飯少不免，有了社交，慢慢就建立起關係，熟 先會有獨家料。
星島集團終於出招，拉得資深外籍馬評人郭米高（Michael Cox）登場，做《英文虎報》馬經版老總，小弟當然引首以待，睇睇有乜堅料爆。老友，免費 ，唔睇就笨。
明日大賽，度都無謂，香港盃捧「浪漫勇士」，短途錦標捧「嘉應高昇」。其他兩場睇馬，每場選最熱三隻買Win，六十蚊雞睇睇有冇得嗌。
