38歲的前香港足球先生陳肇麒靜極思動，宣布5月開班授徒教授成年人踢波，更以「韋拿踢法」作招徠吸引球迷報堂，每逢周四在藍田晒草灣茜發道車路士足球場上堂。
陳肇麒FB圖片
陳肇麒足球生涯不時射入靚波。 陳肇麒FB圖片
陳肇麒為港隊上陣累積37球，是港隊入球紀錄保持者。 陳肇麒FB圖片
陳肇麒FB圖片
陳肇麒FB圖片
陳肇麒FB圖片
陳肇麒去年1月加盟車路士足球學校(香港)任技術總監，指導青少年球員踢波。事隔一年多，肇麒宣布成立TEAM SK成人足球班，正式透過網上宣布招生。這位香港隊入球紀錄保持者說：「你地成日陳韋拿陳韋拿！準備好未呀？TEAM SK成人足球班，現正招生喇。5月9號就係第一堂，有我教你韋拿嘅踢法！詳細Schedule可以在ig @teamskhk Story Highlight度睇到。到時見！」
陳肇麒開班，舊隊友兼好兄弟陳偉豪馬上留言支持，偉豪笑說：「我星期四得閒喎 仲有冇位啊？」陳肇麒回應道：「嘩，豪哥示範，榮幸呀。」球迷見狀也加多幾句吹水：「爭咩啫，溝埋嚟做瀨尿牛丸啦。」
也有球迷說：「係唔係教入熱刺嗰球窩利先？」陳肇麒留言道：「你肯學，我肯教！」
_____________________________
緊貼最新最快新聞資訊，請立即下載星島頭條App：https://bit.ly/3Q29Vow
