馬迷若有入場的，應知跑沙田與跑快活谷，完全兩種感覺。
沙田若冇大賽，例必冷冷清清疏疏落落，尤其大寒或大暑，除沙圈永遠熱鬧外，大大個場，經常人氣不足。
快活谷完全唔同，地方細，近市區，再加上有啤酒園及現場樂隊，在每場之間，成功炒熱氣氛，真真正正有「國際快樂融/熔爐」之感。
究竟快活谷的模式，能否移到沙田呢？有人當然立即「負能量」：「邊得 ，沙田咁鬼大，點似快活谷逼逼貢咁過癮喎。兼且長途跋涉，肯定冇乜得搞！」
係真唔係真？唔試，永遠坐 度「享受失敗」。試又不斷改良，正是五十五十，有可能闖出彩虹。
小弟認為，趁沙田黃昏馬即將開波，一於大搞特搞，試試佢。
首先確定一個點做啤酒園，開始搞時，除有Live Band，更可以免費任飲（或五折啦），吸引華洋啤酒客。然後每次賽馬搞主題之夜，例如次次定不同服飾，今次空姐空少，下次Cosplay。馬會大把錢，掟三幾百萬元出 谷，搞到非馬迷都湧入場「睇 」，即掂！
紙短情長，總之唔搞就乜都失敗，搞，就有機會黃昏馬「殺出個黃昏」。小弟免費送「橋」。
今日沙田跑泥草，冇乜高潮，決定研究三班泥地千二米賽事。
首先飛起「好好心得」，絕非此程馬。第二飛為「福國寶」，冇根冇據，出來博減分。第三飛為「花果猴王」，上賽跑盡贏短頭，用力不少，加五分，要 一 。第四飛「明心知遇」，非泥地馬。第五飛「閃電」，季初贏兩場谷草後，謝晒。
死！咁咪剩返「昇瀧駒」、「凱旋時光」、「時時滿意」及「怡勁力」？一再翻睇巡邏影片，肯定頭兩駒高晒，正路跑，其他只能食泥喎。一於二重彩指定位置，頭兩隻做複式膽啦。
