近幾年小弟突然成為兩種活動「顧問」，一為飲食，二為睇戲，兩皆非刻意營造，純粹撞出來的。
第一項，主因個人天生為食，又好交朋結友，開飯局吃喝噴口水，每周出外晚飯四次，日子有功，當然食遍港九新界，自會對邊間正、邊間渣，有少少心得也。
第二項，因退休後時間特多，可睇長者早場，咁舒服，當然每周睇兩三套，好睇就睇晒，唔好睇則十至三十分鐘拍拍屁股離場，去超市買 。
也是睇啊睇，一年睇百幾套，日子有功，加上自己早年做過「哎 」導演（電視），也可鑑別編導演，以至各個幕後崗位有冇料到也。
若你問我：「碌Sir，今期推薦邊套呀？」
我會答：「一於睇《第二十條》啦。單單聽見張藝謀三個字，已應入場！」
此片在內地票房屬犀飛利，收到 聲，接近二十五億人仔。但香港又如何？其他戲院唔知，我在九龍城廣場影藝戲院睇，真真大大鑊，只得小弟一千零一個觀眾。二十分鐘後，才有第二位阿叔步入，可能純為歎冷氣。
香港觀眾，不少對內地片有先天性抗拒，這點，我冇，只是個人對主旋律電影的硬銷手法冇乜興趣。不過，凡觸及人性的優質內地片，皆入場，以免因偏見而走雞。
《第二十條》是否極品精彩之作？不算，但卻是套能令你全程投入，間中充滿共鳴或怒火的電影。
尤其突出 法律面前人人平等，但富有的人更平等！
此片大橋段玩煽情逼害，令公義無法申張，先將觀眾情緒推到極端憤怒。
張大導為煽情，最勁一幕為描述村霸強姦聾啞女子時，竟將佢老公似狗般用鐵鏈鎖在燈柱，再逼簽收費作合法性行為 最後公義如何出現呢？
