寫此稿時，環境及生態局局長謝展寰正在非常無奈地宣布，將全城垃圾徵費開展日延至8月1日。這個公布對政府的威信有相當大的打擊，因「話 做而做唔到」，官場文化中，好大鑊 ！
呢鋪越睇越牙煙，睇 8月仍可能一鑊泡，唔知點收科！
先旨聲明，小弟百分之一千支持環保及垃圾收費。事實每逢去到日本、韓國、台灣，都覺汗顏。點解人 處處都可以做到「自己垃圾自己處理」，但香港人就是唔得、唔願、唔做？我 教育水平特別低？我 修養特別差？唔係嘛？
更甚，開關後去到大灣區城市，包括深圳、東莞、順德，以至潮汕，大致基本搞掂，絕少再見到人隨地拋垃圾、放飛劍，更遑論大小便了。昔日我 笑人，可能好快倒轉，真該煨！
係咪香港人惡習冇得改？絕對唔係！事實眼見個個去到韓日台，全部會自動自覺入鄉隨俗。
再者，曾經或現在已移民外地者，必會一Land就接受當地環保政策，火速做到垃圾分類，絕不會冇垃圾桶就嘈喧巴閉。
我睇簡單，因香港人在垃圾政策方面，長期縱壞晒，而政府也是懶懶閒，從來軟手軟腳，對犯法者從不認真檢控，結果冇品香港人睬你都 。
好 ，如今話要 真，要強制大家處理好自己垃圾，政府又推到步伐錯亂。小弟認識的人，對這個政策內容多矇查查，意即宣傳嚴重不足！
點解唔早早鋪天蓋地推「懶人包」，解答一切疑問？而係踢一下答一答，點掂呀？今次真係殺到 ，臨尾才雞手鴨腳撲火。
未來四個月，究竟政府有乜法寶拆局呢？ ，為免再 大鑊，今鋪起碼要政務司司長親身跨部門統籌喇！
