亞洲盃直擊｜港隊今晚10時30分鬥阿聯酋 葉鴻輝：希望球迷享受大賽舞台

【吳家祺卡塔爾直擊】   香港隊相隔56年再踢亞洲盃決賽周，周日晚上10時30分將在卡塔爾的哈利法國際球場鬥阿聯酋。港隊門將葉鴻輝感謝球迷支持，希望香港甚至遠道而來的球迷都好好享受這個舞台。

葉鴻輝表示經過3場海外友賽之後，已經開始適應國際賽節奏，現時比賽感覺強烈：「由印度外圍賽到現在，對於今次大賽心情好期待，很渴望落場比賽，單是官方接待已經與以往完全不同。希望隊友好好享受旅程，落場盡力表現自己，相信會有好的結果。」

葉鴻輝（吳家祺攝）

 

葉鴻輝說，最想答謝球迷一直擊敗：「無論是香港球迷，抑者飛來現場的球迷，多謝大家一直以來的支持，今次經過56年再返來這個舞台，希望球迷來到卡塔爾可以享受呢個舞台，希望香港隊可以帶到好成績畀大家。」

YouTube 《猜波台》邊睇邊傾

「英雄輝」多謝香港球迷支持，我哋想捧場打氣，亦可以上YouTube 嘅《猜波台》頻道，Gary等主持人會一直睇住場波，同你講戰情形勢，你亦可以留言，大家一齊傾波，一齊為港隊集氣

港隊中場陳俊樂指，亞洲盃決賽周係好大的比賽，僅次於世界盃決賽周，屆時會給予100%應付比賽：「自己踢防中角色，想盡量在防守上做到教練要求，要做到逼搶效果，然後轉守為攻時更加直接更加快。好多謝球迷遠道以來卡塔爾支持我們，一定會更加盡力比賽，畀晒100%大家。」他又提到，加入艾華頓、祖連奴及史提芬彭利拿3位前鋒大有幫助，眾人都是技術好、速度快，會盡量餵波予他們，希望製造到入球。

陳俊樂（右）（吳家祺攝）

 

隊友兼中場入球主力之一的陳肇鈞說，早前對沙特阿拉伯是最好的試煉：「我們都習慣了國際賽節奏，即使是面對中東球隊，都可以畀到壓力對手。現時大家狀態都好好，亦都覺得阿聯酋強度唔會差太遠，可以挑戰對手。」

陳肇鈞（吳家祺攝）

 

當家球星安永佳表示，自己為亞洲盃已經準備了一年以上：「我去年不斷比賽，很少放假，因為自己一早已經將眼光放在亞洲盃之上，這是大賽，我想幫香港踢得好甚至贏波，因此我盡量調整好自己狀態，現在全隊都感覺良好，特別是在友賽之後調整，體能狀態理想，已經準備好上場搏殺。」

安永佳（吳家祺攝）

 

「港隊會盡全力比賽，過去一個月我們做了很多體能訓練，現在狀態極好，希望可以踢出好成績，令香港人感到自豪。亞洲盃是亞洲最好球隊角逐，每個球員都想參加這種大規模賽事，港隊相隔多年再踢，當然想表現最好一面。自己作為前鋒，會盡力入球，香港隊無嘢可輸，牌面上是最低，為球迷為自己，逐場逐場踢好，港隊有能力去製造驚喜。」安永佳說道。

 

亞洲盃決賽周港隊C組賽程：
2024年1月14日(日) 阿聯酋 VS 香港 哈利法國際球場 (香港時間晚上10:30)
2024年1月20日(六) 香港 VS 伊朗 哈利法國際球場 (香港時間凌晨1:30)
2024年1月23日(二) 香港 VS 巴勒斯坦 阿卜杜拉·本·哈里發體育場 (香港時間晚上11:00)

___________

<p></a><br />
&nbsp;</p>