剛於上月「入五」的伍仲衡（伍Sir）最近為《中年好聲音》系列擔任評審而入屋，早前他聯同另一拍檔周國豐開設網絡節目《週五有周伍》，邀請圈中好友到其個人YouTube頻道開Live吹水，繼有陳淑蘭（蘭子）於節目中重提怒摑莫可欣事件後，上周五（1日）再請來風水師七仙羽（七師傅）一齊Jam歌，未料中途驚變捉鬼直播！
【相關閱讀】：七師傅自爆常被同行落降頭 運程書報捷喜極而泣
【點擊睇七師傅驅鬼直擊】：
當晚七師傅擔任節目嘉賓，席間大開金口獻唱《Hotel California》，被伍仲衡嘲笑「唔啱Beat」，及後在化身「人肉拍子機」的周國豐協助下，她唱出《甜蜜蜜》終漸入佳境，最終獲兩大星級評判讚賞：「唔錯喎」、「你把聲好溫柔」、「我畀十盞燈你」，伍仲衡更主動提議在音樂上合作，七師傅表示：「可以，但我要行好新一代嗰條路，唔可以行太傳統，我想啲歌一出嚟要人長期記得，講真阿儀（薛影儀）首歌係入心㗎。」語畢她便即興唱出《一加一等於阿儀》，最後銷魂地「咦～」一聲作結，場面爆笑！
不過，來到直播的下半場畫風一轉，兩位主持本來要求七師傅分享靈異故事，未料對方指向一塊玻璃之隔的錄音室說：「不如我同呢隻鬼通靈，睇吓佢係邊個，點解要Stay here，OK？」周國豐即彈開直言好驚，伍仲衡則謂：「我唔驚喎，我覺得佢幫緊我。」原來他之前已在該錄音室遇過靈異狀況，指試過半睡半醒間看到一個頭，亦曾有師傅稱有靈體，但伍仲衡Man爆說：「我覺得人恐怖過鬼，冇事嘅伍嫂，唔使驚，有我喺度保護你，有啲咩我攬住你！」
【點擊睇七師傅豪宅】：
在細看錄音室後，七師傅忽然臉色凝重大嗌：「嘩！Oh my god！喂，你嗰度咁多隻嘅？」周國豐再次表示想走先，問到這些靈體有否攻擊性？對伍仲衡可有害？七師傅說：「有啲可能會吸你陽氣，有啲可能八卦嚟呢度玩，有啲可能要你超渡佢，有啲可能係出面跟返嚟攞你債……」隨後她離開直播室，回來時拖埋ViuTV選美真人騷《最後一屆口罩小姐》亞軍徐蒨寧（阿姨）的老公「姨丈」Andy入鏡，自稱有「靈異體質」的姨丈直言，直播期間在門外兩度聽到錄音室發出聲響，又謂一直感頭痛。
七師傅指，至少在錄音室內感覺到三個靈體，包括一個老伯、一個女人及一個小朋友，惜跟他們「講數」一輪也不願離開。三人閒聊期間，七師傅又突然低頭默念咒語，未幾她抬頭說：「我頭先一同佢哋傾偈，有幾個驚即刻走咗，佢驚我攞法寶收佢，但個阿伯未走。（伍仲衡：走咗會返嚟？）梗係會返嚟啦。」到尾段又指身後有一靈體，更忽然對空氣喝「出去」，她還嚴肅地警告伍仲衡：「你絕對唔可以同女友喺度『搞嘢』，你一『搞』佢哋圍過嚟就大镬喇！」
談到不可亂放公仔及照片，七師傅建議伍仲衡掉走錄音室的公仔，以免靈體寄存裏面，伍仲衡舉起自家Q版公仔笑說：「我（錄音室）入面仲有幾十隻呢啲公仔！講到咁邊個仲敢買，你係咪倒我米？！」七師傅即「直播主」上身幫手帶貨，最後眾人合唱一首《順流逆流》緩和氣氛收尾。而該影片上架至今，已累積5.9萬次觀看次數，帶挈伍仲衡YouTube頻道衝破40,000訂閱，非常誇張！
