溫碧霞（Irene）、李麗珍、狄龍及車婉婉等昨晚（26日）到尖沙咀出席電影《我們的十八歲》首映，Irene與李麗珍見面後即表現興奮，影相時更不停扮咀嘴。
李麗珍在受訪時表示，當年因拍攝電影《我未成年》而認識溫碧霞，自己在戲中飾演反叛的富家女，而溫碧霞則演一個會被家暴的少女，又指第一個認識的明星就是她。但Irene否認，笑言兩人一起入行，更指兩人認識時只有17歲，但李麗珍說：「梗係唔係啦，你早過我，嗰時佢帶我去食嘢，去玩，我仲以為佢真係大姐姐，後來先發現佢同我同年，呃咗我一輪。」
【相關閱讀】：溫碧霞專訪｜憶反叛期沾煙酒逃學落D睹好友吸毒斃命 17歲拍牀戲感委屈：諗返好傻
【點擊睇《我們的十八歲》首映靚相】：
溫碧霞則表示與李麗珍的回憶很難忘，因兩人當時是好朋友，更曾一起住了半年，但李麗珍則自爆兩人曾嗌大交，問到是否因為爭仔？溫碧霞笑說：「肯定唔係，因為我哋太多男朋友。」而兩人亦笑言因為品味不同，所以不會爭仔。
對於相隔超過20年再合作，兩人表示很開心，亦勾起很多回憶，李麗珍更指今次拍戲純粹為幫溫碧霞：「佢係監製又係出品人，佢叫到我，梗係撐朋友啦！」溫碧霞覺得兩人雖然並不常見面，但這份友情多年來亦沒有改變，問兩人之後會不會再合作，Irene說：「睇緣份啦，我覺得劇本緊要，因為咁啱呢套戲係講緊兩個少女嘅成長，開心嘅，雖然戲份大家碰面唔係咁多，但見返都會有好多回憶，會諗返起我哋以前細個嘅時候，嗰種感覺好得意。」而兩人亦表示大家也是真性情的人，喜歡就喜歡，不喜歡就鬧，但就只有鬧交沒有打交。
另外，李麗珍又透露疫情時因家中有事影響情緒而肥不少，現時減掉了20磅。
林千渟與楊偲泳亦有出席首映，林千渟在戲中飾演溫碧霞的年青版，由於從18歲演到28歲，所以靠化淡妝和服裝幫忙。楊偲泳在戲中的角色是參考林碧琪和藍潔瑛經歷，所以自由度較大，又笑言今次過足戲癮，因場口涉及做壞女孩，會食煙飲酒，非常叛逆，問到是否有難度？她就指林千渟較難，因對方是飾演溫碧霞年青版，林千渟則指因溫碧霞是女神級，要演繹她的氣質也有壓力，幸而拍攝前溫碧霞有跟她傾偈，著她看完劇本後跟感覺做自己，令她變得舒服及沒壓力。
楊偲泳又透露戲中也會講粗口，她笑言只是做返自己所以不難，問到是否經常講？她說：「屋企成日講，（鬧張振朗？）冇冇冇，收工後對住塊鏡鬧自己做得差，好似有啲變態。」林千渟則表示，平常在好嬲的情況下也會講粗口，但就會找對象發洩，不過她指這是正常發洩，否則人會癲。
