男團ERROR何啟華（Dee）、梁業（肥仔）、郭嘉駿（193）及吳保錡（保錡）首次合體登大銀幕，拍靈異題材英皇電影《陰目偵信》，肥仔艷福無邊跟黃正宜（阿正）有親嘴戲，若然可以自選感情線，保錡、阿Dee同肥仔異口同聲揚言要揀有錢的周家怡。
戲中四子化身專門處理靈異案件的偵探社員，應邀為大廈住客譚旻萱（Mandy）、郭思（Suey）及周家怡調查兼捉鬼，卻鬧出笑料。戲中有陰陽眼特質的肥仔，自言沒見過靈界朋友，動作戲亦不及阿Dee多，最爆笑保錡搭嘴，指肥仔曾揚言要做新一代洪金寶去接棒，肥仔即否認有講過。談到最難忘場面，肥仔表示在貨櫃內將他整個人拋開搞到他撞倒，當時需要3位工作人員利用威吔才能夠吊起他。他說：「聽聞係出動行內最大隻嘅師傅，我就無受傷，戴好護墊保護。」
阿Dee飛簷走壁親身上陣
阿Dee自爆有場戲在大廈天台飛簷走壁，雖然有替身，但親身上陣飛出去再彈回來幾次，期間扯修橫膈膜肌肉內側。「我好飲恨，當我知動作點做得好睇，就係我整傷之後剎那！超唔開心。」保錡笑指被肥仔整傷，事緣拍攝時要吊威哋營造被引力吸住的效果，由於肥仔太重，長時間壓在保錡左腳上，因而觸及左腳韌帶撕裂舊患，肥仔聞言即謂：「咪屈我！你嗰日都無話我整到你。」
肥仔要求阿正真咀被拒
戲中肥仔可謂艷福無邊，當中跟阿正有嘴戲，他笑言要求阿正不如真嘴但被她拒絕。「佢話怯！我咪一嘢車埋去囉！」阿Dee搞笑謂：「我都覺得辛苦阿正！」談到今次跟Mandy、Suey及周家怡合作，若然可選擇想跟那位有感情線？保錡、阿Dee同肥仔異口同聲揚言要揀周家怡，因為對方有錢可養他們。保錡話：「上次宣萱失敗咗！要揀第二個。要咁長情咩？呢套戲揀周家怡，拍完呢部戲唔掂就下個囉！」
文：鄺芷瑩 圖：羅安強
《星島頭條》新網站有更多精彩內容：http://www.stheadline.com/
