荷里活廣場兇案丨林作媽開腔回應愛子被炒:講錯少少嘢啫 收租夠做一世二世祖

鑽石山荷里活廣場前日(2日)發生駭人命案,兩名女子被患有精神病的光頭男子用刀狂捅殺害,引起全城關注。林作在社交網分享一張模仿疑犯裝束的照片並留言惹禍,今日遭任職的保險公司發表聲明終止合約。林作的媽媽王莉妮(Lily)今日接受《星島頭條》的電話訪問,對於兒子的去向,她直言不擔心:「我個仔金子,去邊度都會發光!」
 

【相關文章】:荷里活廣場兇案|林作抽水惹禍 親證被保誠解僱:公司冇講原因,我未知方向

                         荷里活廣場兇案|一文睇清林作抽水被炒時間線!連發多Post自認多支持者揚言堅拒道歉

【點擊睇林作與媽媽合照】:

林作的富媽媽王莉妮(左)傳坐擁逾億元物業。
林作的富媽媽王莉妮(左)傳坐擁逾億元物業。

 

林作媽媽開了IG!
林作媽媽開了IG!

 

林作媽王莉妮(前右)晒出晚宴照。
林作媽王莉妮(前右)晒出晚宴照。

 

王莉妮(中)拎Hermès手袋赴會。
王莉妮(中)拎Hermès手袋赴會。

 

王莉妮(中)孭Hermès手袋去食Tea。
王莉妮(中)孭Hermès手袋去食Tea。

 

王莉妮(中)悉心打扮去馬場。
王莉妮(中)悉心打扮去馬場。

 

王莉妮晒豪宅。
王莉妮晒豪宅。

 

王莉妮晒英國名車Aston Martin。
王莉妮晒英國名車Aston Martin。

 

王莉妮分享了多幅與兒子林作的合照。
王莉妮分享了多幅與兒子林作的合照。

 

王莉妮分享了多幅與兒子林作的合照。
王莉妮分享了多幅與兒子林作的合照。

 

王莉妮分享了多幅與兒子林作的合照。
王莉妮分享了多幅與兒子林作的合照。

 

仲有母子出海Look。
仲有母子出海Look。

 

好性感。
好性感。

 

王莉妮水着Look晒事業線及長腿。
王莉妮水着Look晒事業線及長腿。

 

王莉妮又公開林作童年照。
王莉妮又公開林作童年照。

 

林作細個好可愛。
林作細個好可愛。

 

母子昔日合照。
母子昔日合照。

 

母子昔日合照。
母子昔日合照。

 

王莉妮後生眼大大。
王莉妮後生眼大大。

 

母子關係好好。
母子關係好好。

 

感情深厚!
感情深厚!

 

林作的保險團隊超80人,「最強下線」Jasmine Tang(鄧婉婷)。
林作的保險團隊超80人,「最強下線」Jasmine Tang(鄧婉婷)。

 

Jasmine仲成日陪林作媽出席宴會。
Jasmine仲成日陪林作媽出席宴會。

 

林作媽同好多圈中人係好友,試過出席陳雅倫(左)生日飯局。
林作媽同好多圈中人係好友,試過出席陳雅倫(左)生日飯局。

 

王莉妮仲跟同場的吳啟華合照。
王莉妮仲跟同場的吳啟華合照。

 

現為保誠資深區域經理的林作,今日接受《星島頭條》的電話訪問,承認已經收「大信封」:「我未知方向,7日內約公司傾,我唔係即時解僱,公司話短期內會解僱我!」林作堅稱自己冇後悔:「我而家冇官一身輕,唔再綁手綁腳,可以向網民挑機!」而林作媽媽亦表示今早已經得悉事件:「我同佢傾咗成朝偈,聽晚大家約咗食飯,大家溝通,我一啲都唔擔心,阿仔係好有個性,佢想講嘅嘢係阻止唔到,『東家唔撈咪撈西家』,我個仔幾勁,要將佢睇做一粒金子,去邊度都會發光!擔心乜嘢呢?」她續說:「我個仔讀咁多書,去到邊都好敬業,你睇吓佢喺保誠做得幾叻?舊年拎晒所有獎, 所以我同佢講,唔使太擔心,呢啲係天意,去到呢個時候,可能對你嚟係好事,而並不是壞事,呢個係考驗嘅時候。」

今次林作的言論受到全城喪鬧,問到會否勸他收歛一點,林作媽媽說:「有,我哋有探討過呢個問題,阿仔話佢天生就係咁嘅性格,你叫我唔講嘢呢,就唔係叫『林作』,呢個注定係要講嘢,為呢個社會出聲。好似之前佢同鍾培生打拳,臨上台都有啲擔心,我得呢粒仔,但係阿仔話呢個時候唔上台,將來仲點使搵食?唔可以喎,佢仲話我作為老母,唔可以喺呢個時候勸個仔收兵,將來要香港人出力。呢點我真係好佩服佢,佢唔自私,其實我個仔係唔使做,屋企又有樓畀佢收租,我得一粒仔,所以有畀晒佢都夠佢做一世二世祖,我哋唔係大富大貴,但係過得比好多人好。」

不過林作媽媽稱阿仔不甘於這安排:「佢話自己唔甘心坐喺屋企似富二代,要為社會作出貢獻。佢仲話:『媽咪,人生好短暫,何必要萎萎縮縮,不如過一個精采人生』,所以我做人老母,只可以佢做乜都支持,但係我係有條件,唔可以犯法,佢就話今次冇觸犯法律,可能係言論激烈咗啲。」她稱可能阿仔從小在外地長大,言論難免會大膽啲:「我叫佢呢段時間要冷靜啲,好事定壞事大家都唔知,或者仲有啲好事等緊佢,做人要樂觀啲。」言論間林作媽媽對公司的決定似乎有微言:「佢只係講錯少少嘢啫,唔係咁就郁佢?不過我覺得係好事。人才係好緊要,任何公司搵到個咁醒目、叻仔,成績係做出嚟,唔係靠把口講。」林作媽媽的人脈相當強勁,有不少內地娛樂圈先後向林作招手她又稱阿仔對公司好有感情,試過有人找他跳糟都不願意,:「佢餓唔死,大把人搶佢,只係睇吓佢想唔做,不過阿仔啲作風好高調,可能得罪啲老細。」

 

林作媽王莉妮在兒子林作出世時仍是打工仔,為搵更多錢供囝囝入好的國際學校,早年她瞓身買股票終賺到第一桶,後來單人匹馬跑遍東北三省找生意,結果名下經營地產及環保業務的善美集團愈做愈大,2013年還跟楊海成旗下的實德環球合作。據悉,王莉妮坐擁逾億元物業,有消息指她於2016年以6,338萬港元購入的中半山嘉年大廈複式豪宅,去年初以9,180萬港元沽出,該單位每層實用面積達1,694平方呎,兩層合共3,394平方呎,惟林作隨即在社交平台澄清未有成交;而林作則居於同棟大廈另一伙高層戶,該單位於2012年以3,500萬元購入,由他和母親聯名的公司持有。

即時娛樂