散戶，是一種好怪的動物，注定在投資界變水魚，因為——無知、貪心、懶惰、冇主見、耳仔軟。升市時驚太高，跌市時驚未見底。擁有以上心態而希望在大鱷如麻、騙子如毛的金融江湖謀利發達，簡直黐黐 。
近年小弟突然多 個「投資專家」形象，搞到無論在哪\xf9堙A都會有人「求籤問股」。
其實我知鬼咁多咩！香港有幾千家上市公司，龍蛇混雜，大部分皆蝕本（可能大股東自己賺），故此，研究根本 時間。
一直以來，在任何退休投資分享講座，個人必再三向與會者強調：「各位，一、唔好發夢炒股票會發達，反之，蝕到攤攤腰周街係；二、唔好以為炒股可以代替工作，甚或達致安享晚年，冇 咁事；三、退休投資組合，一定要有幾隻公用股做柱躉，雷劈都唔驚執笠，因政府唔畀得佢 死，甚或蝕本；四、買股票，只買\xf9瓻\xfc成分股內歷史最悠久的本地（絕非內地）殷實大集團！」
小弟的鐵律，當然有好多「叻仔炒家」嗤之以鼻，正常，各家師各法也。但若想安安穩穩日日 得 的退休者，跟我做法，絕對可保內心安寧，更不會變水魚，被大鱷吞噬。
呢呢，事實又擺在眼前啦。上周四大假前，\xf9瓻\xfc跌到一仆一碌，曾插500點，最終都跌369點。
「當炒股」騰訊跌10元。但幾隻公用股呢？煤氣跌2仙，中電跌5仙，港鐵跌2毫半，真係完全冇乜點郁 。
其實股市跌，正常過正常。因內地消費力弱，還有幾多同胞能來港掃股？此外，普通邏輯，息升當然樓跌股跌。
你問我點面對？擺定現金好耐喇，終等到隻目標股票到入貨位，即港交所跌破300元，愈跌愈吸呀！
