人到中年盤點半生，才驚覺知交半零落，孤獨氛圍令心也涼了半截。有「三十尾」的港男近日在網上「香港討論區」以「人到中年，想識個朋友都難」為題發帖，自言「本人好少朋友，發覺年紀大咗朋友冇幾個」，又稱「唔想對住冷冰冰電子産品」。
帖文引起網民共鳴，並心酸回應「年輕都難，何況中年」；另有網友卻指「我都好少朋友，但我幾enjoy（享受）自己一個獨處的時間」。
樓主帖文及網民真心話：
因應知交半零落的問題，網民同病相憐：
「智能手機令人不需要朋友」、
「如果本身少朋友，大咗更難識」、
「我都係呀，中學同學亦好小聯絡」、
「失業有（案）底的，想識朋友更難」、
「世途險惡加上人大咗，防人之心越強」、
「新相識，處處提防，如何交心做朋友」、
「年齡越大，各自都會把重心放在自己身上」、
「這個年齡的人很難再去付出真心交朋友啦」、
「我30歲但我早幾年都覺得有呢個感覺，真心無乜朋友」、
「是的，因為大家個個都有家庭，要忙自己屋企嘢，都冇乜時間見面傾計了」、
「同意！尤其是有小朋友，一些朋友已婚但冇小朋友，話題相對少咗，現在只剩下一兩位」、
「本身都多朋友，但自己唔會主動去搵人，慢慢其他人成家立室後，會越來越少出嚟，依家女友又分手，人到中年，無力感同孤獨感……」、
「年紀大，對上父母開始年老，多覆診入院，對下仔女開始青春期反叛，自己可能面對工作表現無突破，甚至伴侶婚姻開始有問題。全部都係煩嘢，唔夠熟絡，好難解釋咁多……」、「好有同感……而且唔熟真係費事講」。
另有網民熱心提供交友心得：
「同AI做朋友」、
「好難，除非去教會，社區中心，做下義工」、
「我讀中學時都係落街在球場、公園識朋友」、
「識朋友首先要肯付出，唔怕蝕底，但依個想法卻難到好多人」、
「建議樓主去屋企附近股票行，開個戶口，好快就會識倒朋友。諗番我個使軌（死鬼）老豆，佢以前七十果陣，朝朝飮完早茶就去股票行，識咗好多朋友。而家輪到我，步老豆後塵。人最緊要係無私心、為得人丶誠坦丶勤力丶恒心、信念、善心、早睡早起、身體健康。行出嚟帶笑容同熱情丶點會識唔倒朋友」。
另有網民發長表文，談及金錢與朋友的關係：
「有錢多朋友，冇錢就……」、
「識得朋友多成日出街使費仲多」、
「朋友嘅意思係孩童時代，啲錢都唔係自己搵返嚟嘅，父母畀零用錢，導致邊個有錢就邊個請食嘢，冇乜點計數嘅，因為咁樣大家感情就不斷累積，呢啲就係真正朋友。大個咗出嚟自己搵錢，先知道搵錢咁辛苦，就開始計較自己金錢嘅付出，慢慢大家感情就會疏遠。尤其是有啲人搵錢多，有啲人搵錢少，你唔計較你身邊嗰個可能都一樣會計較，久而久之朋友關係就變得越嚟越淡。如果搵到錢嗰啲唔計較去食啲平嘢，又唔扮曬嘢，總之大家係朋友坐埋一齊球場踢波無分你我，咁就一樣有朋友做；如果搵到錢嘅扮曬嘢，係都要食貴嘢，其他朋友消費唔起，而佢又唔肯請人食嘢，咁就真係冇朋友做啦」。
「識朋友聯絡感情要成本嘢，無論時間或金錢，但當你擁有咗金錢嘅時候。原來你先發覺自己咁鬼窮，連一個知心朋友都冇，咁你抱住啲錢自己快樂得啦。其實有錢唔好畀人知，唔好咁張揚，自己低聲下氣啲，自然可以有朋友啦。但人類真係好奇怪，搵到錢梗係要畀人知，覺得自己叻，但當你畀人食住上搵笨嗰陣時，你就覺得心裏面唔舒服，人就係咁矛盾，衣錦不還鄉，猶如錦衣夜行，但係如果你係人都知道你有錢，啲人就會衝埋嚟搵你著數，真係好矛盾，去到呢啲心理關係，你就成為聖人。參加一啲興趣班學，一啲自己唔擅長嘅嘢，就會令到自己自豪感降低，從而永遠立於謙虛嘅心」。
說著，竟有情場老手自爆婚外情史，指「我24歲結婚，30歲有第一個婚外情人，40歲有第二個婚外情人，跟住50歲有第三個。到65歲有第四個。情，使男或女都感到自己年青」，雖然有點離題，但樓主連忙回應「你人生好豐富」。
帖文來源：香港討論區
相關新聞：
申請父母移民英國幫手湊孫 收租又收飯錢 網民轟不孝兼自私
一家之主慘遭家庭欺凌 網民陣腳大亂：月入6萬仲要受老婆仔女氣？
結婚廿年發現「老公出面有女人」 人妻瀕崩潰 網民咁開解……
發帖呻婚後愛情消失 新手人妻無奈總結：勝過獨行
呻與夫平淡如水人妻發帖圍爐 竟突然自爆曾有外遇……
夫妻情侶出街食飯全程唔講嘢 網民理性分析結論係……
人妻呻老公成日返大陸過夜 網民獻計圖一招封喉
人妻想搬開唔同老爺奶奶住又怕兩老嬲 網民有計仔……
港鐵故障致人妻出軌斷正 夫捉姦在床後反應令人意外
同場加映：
孕婦街上突摔倒獲「神救援」 天眼直擊丈夫後續超狂舉動
一段天眼影片在內地社交平台熱傳，引發網民熱議，影片中一名孕婦和丈夫行街，孕婦突被撞摔倒，危機之間鄰近的搬運工人施展「神救援」，不過，最吸睛的卻是孕婦丈夫的後續超狂反應。
孕婦街上突摔倒獲「神救援」 丈夫後續舉動超狂 全程逐格睇↓↓↓↓
影片在內地社交平台吸引逾三千多個留言，網民紛紛熱議事件，除了大讚搬運工人的神奇救援方法外，都集中討論丈夫的超狂反應：「基本上可以離婚了。」「嫁給這樣的老公，真的是倒霉八倍。」「這個男人還是離婚吧。」「作為老公，男人一點責任心都沒有。」
部分網民質疑影片是擺拍：「怎麼能這樣巧？」「丈夫的反應也太跨張了吧！」「怎會有這樣的丈夫？」「自編自導自演？」
同場加映：竟是男兒身？！「索女」騷長腿露半球難辨雌雄↓↓↓↓
「索女」騷長腿露半球，竟是男兒身？！台灣的綜藝節目《小明星大跟班》早前一集請來多位「索女」讓人猜測那位是男兒身，結果出乎眾人意料，節目引來網民熱烈討論。
第一組「索女」那位是男兒身？↓↓↓↓
第二組「索女」那位是男兒身？↓↓↓↓
第三組「索女」那位是男兒身？↓↓↓↓
第四組「索女」那位是男兒身？↓↓↓↓
